ដើម្បីឪពុកជា ពេលទិញកន្លះលានដុល្លារ ពេលនេះលក់ដាច់ហើយ នឹងទៅនៅផ្ទះតម្លៃ.....

ភ្នំពេញ៖ ដូចដែលដែលប្រិយមិត្តបានជ្រាបរួចមកហើយ អំពីវិបត្តិនៅក្នុងគ្រួសាររបស់តារាចម្រៀង លោក ករុណា ពេជ្រ ដោយនាពេលកន្លងមក លោកតែងតែបង្ហាញក្ដីទុក្ខព្រួយជាច្រើន ព្រោះតែឪពុករបស់លោកផ្ទាល់ មានជំងឺប្រចាំកាយ ដែលត្រូវព្យាបាលនៅឯមន្ទីរពេទ្យ ព្រមទាំងត្រូវចំណាយប្រាក់ជាច្រើនក្នុងការព្យាបាលផងដែរ។

ម្យ៉ាងវិញទៀត បច្ចុប្បន្ន ប៉ា​របស់​តារាប្រុសរូបនេះ នៅ​មិន​ទាន់​វិល​ ​មក​សភាព​ធម្មតា​វិញ​នៅឡើយទេ គឺ​អាចនិយាយបានថា ​គាត់​ក្លាយ​ខ្លួន​ជា​មនុស្ស​រុក្ខជាតិ​ទៅ​ហើយ​។

ជាមួយគ្នានេះ កន្លងមកពីរបីឆ្នាំចុងក្រោយនេះ លោកក៏ធ្លាប់បាននិយាយប្រាប់ថា លោកនឹងសុខចិត្តលក់ទ្រព្យសម្បត្តិនានា ដូចជាផ្ទះ ឡាន និងទ្រព្យផ្សេងៗទៀត ដើម្បីឲ្យតែបានឪពុកលោកជាពីជំងឺ។

ទន្ទឹមនឹងនេះ កាលពីពេលម្សិលមិញនេះ លោកបានសម្រេចចិត្តលក់ផ្ទះដ៏ធំស្កឹមស្កៃរបស់លោក ដែលលោកទិញ កាលមុន គឺ៥០ម៉ឺនដុល្លារ ទាំងអាល័យ ព្រោះត្រូវបាត់បង់ផ្ទះ ដែលខ្លួនធ្លាប់រស់នៅជាយូរ  ព្រមទាំងបានបង្ហោះរូបភាពមួយចំនួន អមនឹងពាក្យពេចន៍ខ្លីៗដ៏សែនមានន័យថា៖

តាមរយៈរូបភាពទាំងនោះផងដែរ យើងឃើញថា មានទាំង​អ្នកសិល្បៈ និង​ហ្វេ​ន​ៗ​ ដែលស្រឡាញ់​គាំទ្រ​រូប​លោក បង្ហាញក្ដីអាលោះអាល័យ ក៏ដូចជាបាន​ជូនពរ ​ឲ្យ​ជំងឺរបស់ឪពុក​តារា​រូប​នេះ ឆាប់មានសុខភាព​ល្អ​ប្រសើរឡើងវិញផងដែរ។ ហើយក្នុងនោះ លោកក៏ត្រៀមទៅនៅ ផ្ទះដែលនឹងធ្វើហើយ ក្នុងតម្លៃ៣០ម៉ឺនដុល្លារ ព្រោះលោក មិនអាចទិញផ្ទះថ្លៃៗបានទេ ត្រូវទុកលុយមើលជំងឺឪពុក៕

ទស្សនារូបភាពខាងក្រោម៖