នេះជាជីវិត កាឆយ ក្រៅសិល្បៈ ពិតជាមានក្តីសុខ ជាមួយស្វាមីខ្លាំង មិនចាញ់ក្មេងៗ

ភ្នំពេញ៖ ប្រិយមិត្តច្បាស់ជាបានស្គាល់ តារាកំប្លែងជើងចាស់ អ្នកនាង​ កាឆយ ជាតារាកំប្លែងមួយរូបដែលប្រឡូកនៅក្នុងវិស័យសិល្បៈជាច្រើនឆ្នាំមកហើយ ម៉្យាងវិញទៀត អ្នកនាង ថែមទាំងទទួលបានការគាំទ្រយ៉ាងខ្លាំង ទៅលើសមត្ថភាព ព្រមទាំងវោហាស័ព្ទចាក់ទឹកមិនលិច ដែលបានផ្ដល់ភាពសប្បាយរីករាយ ដល់ទស្សនិកជនជាច្រើន ផងដែរ។

ដោយឡែក បើងាកមកមើលពីជីវិតក្រៅសិល្បៈ របស់តារាកំប្លែងរូបនេះវិញ ឃើញថា កាន់តែមានសុភមង្គលយ៉ាងខ្លាំងនៅក្នុងក្រុមគ្រួសារ ជាពិសេស អ្នកនាងតែងតែ បានបង្ហាញពីសកម្មភាពដ៏ផ្អែមល្ហែមជាមួយនឹងស្វាមីរបស់អ្នកនាងតែម្ដង។

ថ្មីៗនេះ អ្នកនាង កាឆយ ក៏បានបង្ហោះរូបភាពប៉ុន្មានសន្លឹកជាមួយនឹងស្វាមីរបស់ខ្លួន នៅក្នុងបណ្ដាញសង្គមហេ្វសប៊ុក ដែលធ្វើឲ្យមហាជនជាច្រើនកាន់តែសរសើរ ព្រោះបានបង្ហាញពីភាពកក់ក្ដៅ និងក្ដីស្រលាញ់ចំពោះគ្នា ទៅវិញទៅមក ដែលបានធ្វើឲ្យក្មេងៗជាច្រើនលួចច្រណែន នឹងប្ដីប្រពន្ធអ្នកទាំងពីរ ផងដែរ៕

ចង់ជ្រាបច្បាស់ សូមទស្សនារូបភាពខាងក្រោម៖