សំណង់អច្ឆរិយទាំង ៥ លើពិភពលោក ដែលអ្នកមិនគួររំលង!

នៅក្នុងពិភពលោកយើងនេះ មានសំណង់បុរាណ និងសំណង់ល្បីៗជាច្រើនរាប់មិនអស់ ប៉ុន្ដែថ្ងៃនេះយើងខ្ញុំសូមលើក​យកសំណង់អច្ឆរិយ ៥ ជូនប្រិយមិត្តសម្រាប់ជាការស្វែងយល់បន្ថែម៖

1. ប្រាសាទអង្គរវត្ត (Angkor wat) ប្រទេសកម្ពុជា

ប្រាសាទអង្គរវត្ត គឺជាសំណង់អច្ឆរិយវត្ថុមួយក្នុងលោក ប្រាសាទអង្គរវត្តសាងសង់នៅដើមសតវត្សរ៍ទី 12 ដោយព្រះ​បាទសូរ្យវរ្ម័នទី​ 2 ចន្លោះឆ្នាំ (1113-1150) ដើម្បីឧទ្ទិសដល់ព្រះវិស្ណុក្នុងព្រហ្មញ្ញសាសនា។ ប្រាសាទអង្គរវត្ដ ត្រូវបាន​សាង​សង់លើផ្ទៃដី 200 ហិចតា មានកម្ពស់ 65 ម៉ែត្រ អមដោយកំពែងព័ទ្ធជុំវិញ និងគូទឹកមានទទឹង 200 ម៉ែត្រ។

បរិវេណនៃកំពែង គឺមានប្រវែងប្រហែល 5.5 គ.ម។ ផ្លូវចូលធ្វើអំពីថ្មភក់មានប្រវែងបណ្តោយ 250 ម៉ែត្រ និងទទឹង 12 ម៉ែត្រ។ ដោយសារតែទំហំដ៏ធំ និងស្ថាបត្យកម្មដ៏អស្ចារ្យនេះ មានមនុស្សមួយចំនួនគិតថា ប្រាសាទអង្គរវត្ត​មិនមែន​ជាស្នាដៃរបស់មនុស្សទេ តែគឺជាស្នាដៃរបស់អាទិទេពទៅវិញ។ នៅខាងមុខផ្លូវចូលមានតោថ្មធំៗ ឈរយាមនៅ​អម​សងខាងផ្លូវផងដែរ។

ចំណែកនៅខាងចុងនៃផ្លូវចូលនោះវិញគេឃើញ មានគោបុរៈប្រាង្គបី ដែលមានកម្ពស់ខុសគ្នា ហើយប្រាង្គផ្នែកខាងលើត្រូវបានដួលរលំហើយ។ នៅគោបុរៈនោះ មានថែវដែលមានកំពូលជាវូត។ បន្ទាប់ពី គោបុរៈ​មកគឺមានផ្លូវមួយដែលមានប្រវែងបណ្តោយ 350 ម៉ែត្រ និង ទទឹង 9 ម៉ែត្រ ធ្វើពីថ្មភក់ និង បង្កាន់ដៃនាគ​នៅអមសង​ខាង​។ ប្រាសាទអង្គរវត្ត ត្រូវបានដាក់បញ្ចូលជាសម្បតិបេតិកភណ្ឌពិភព លោក របស់អង្គការយូណេស្កូ ក្នុងឆ្នាំ 1992 ផងដែរ។ បច្ចុប្បន្ន ប្រាសាទអង្គរវត្តបានក្លាយជាគោល ដៅទេសចរណ៍ដ៏សំខាន់មួយក្នុងលោកផងដែរ។

2. រូបសំណាក់សេរីភាព (The Statue of Liberty) សហរដ្ឋអាមេរិក

រូបសំណាក់សេរីភាព ដែលមានស្រ្ដីឈរកាន់គប់ភ្លើងយ៉ាងខ្ពស់នេះ មានកម្ពស់ 46 មែត្រ បំពាក់ដោយម្កុដរស្មី 7 ពណ៍ផងដែរ។ ចំណែកដៃឆ្វេងកាន់សៀវភៅមួយក្បាលដែលសសេរថា 4កក្កដា 1776 ដែលជាថ្ងៃប្រកាសឯករាជ្យរបស់អាមេរិក ក្រោមអាណានិគមអង់គ្លេសផងដែរ។

រូបសំណាក់នេះ ចាត់ជា 3 ថ្នាក់តាមលំដាប់ដោយដៃម្ខាងមានប្រវែង 12.80 ម៉ែត្រ និងម្រាមដៃមានប្រវែង 2.43 ម៉ែត្រ ចំណែកក្រចកដៃមានប្រវែង 25 សង់ទីម៉ែត្រ។ តែក្រោយៗមកទៀត រូបសំណាក់នេះត្រូវបានគេតម្រៀបឡើង​ដល់ទៅ 93 ម៉ែត្រ ( វាស់ពីផ្ទៃដីដល់គប់ភ្លើង) រូបសំណាក់នេះស្រោបដោយបន្ទះលោហ:​​ ពីលើចំនួន 32 តោន ដែលសុទ្ធតែជាពណ៍បៃតង និង ជណ្ដើរមាន 162 កាំផងដែរ។

3 . ប្រាសាទពីរ៉ាមីត Giza ប្រទេស អេហ្សុីប

ប្រសាទពីរ៉ាមីត Giza គឺជាអច្ឆរិយវត្ថុមួយដ៏អស្ចារ្យក្នុងលោក និងបង្កប់ទៅដោយរឿងរ៉ាវអាថ៌កំបាំង ជាច្រើនដែលមិនមានអ្នកណាបានដឹងអស់ឡើយ។

ពីរ៉ាមីតមានកំពូលធំៗ 3 ត្រូវ​បាន​​គេ​ធ្វើ​ការ​សិក្សា​ជា​ច្រើន​លើក​ច្រើន​សា​ពី​សំណាក់​អ្នក​បុរាណ​វិទូជន​ជាតិ​អេហ្ស៊ីប​ ប៉ុន្តែ​ដើម​កំណើត​ដំបូង​ស្ថិត​នៅ​ក្នុង​ការ​ទស្សន៍ទាយ​នៅ​ឡើយ។ ប្រាសាទពីរ៉ាមីត្រូវបានកសាងឡើងដោយព្រះអង្គ Pharaoh Khufu ក្នុងឆ្នាំ 2580 មុន គ.ស។ យោងតាមការស្រាវជ្រាវ កន្លងមក ប្រាសាទពីរ៉ាមីតត្រូវបានគេជីកយកថ្មពីក្រោមរណ្ដៅក្រោមដី ដោយកម្លាំងមនុស្ស និងសត្វ ដោយត្រូវប្រើពេល 20 ឆ្នាំ ទើបអាចអូសទៅដល់​កន្លែងសម្រាប់សាងសងផងដែរ។

4. បដិមាអាថ៌កំបាំង អុីស្ទ័រ ( Easter Island Statues ) ប្រទេសឈីលី

5. ទេវរូបថ្ម អាប៊ូ សុីមប៊ែល ( Abu Simel ) ប្រទេសអេហ្សុីប

ព្រះវិហារ អាប៊ូ សុីមប៊ែល ត្រូវបានកសាងឡើងដោយ ហ្វារ៉ាអុង រ៉ាមសេសទី 2 ព្រះវិហារនេះបែងចែកជា 2 គឺព្រះវិហារ​តូច និង ព្រះវិហារធំ។ សម្រាប់ព្រះវិហារធំ មានរូ​​បចម្លាក់ថ្ម រចនាជាហ្វារ៉ាអុងរ៉ាម សេសទី​ 2 គង់នៅ​លើបល្ល័ង្ក និង​ 4 អង្គទៀត ត្រូវបានតម្រៀបទន្ទឹមគ្នាម្ខាង 2 ដែលមានកម្ពស់ 20 ម៉ែត្រ បែរព្រះភក្រ្ដទៅរកទន្លេដើម្បី​បង្ហាញពីអំណាចរបស់ទ្រង់ផងដែរ។ ចំណែកនៅបរិវេណជើងរបស់ទ្រង់មានឆ្លាក់រូបព្រះមាតា និងព្រះរាជិនី ព្រម​ទាំង បុត្រាបុត្រី តម្រៀបជាជួរផងដែរ។

ចំណែកនៅក្លោងទ្វារទៅខាងក្នុង យើងឃើញមានរូបចម្លាក់ដែលជាអទិទេព របស់អេហ្សុីប រហូតមក ដល់​បច្ចុប្បន្ននេះ នៅមិនទាន់ការស្រាវជ្រាវណាមួយអាចបកស្រាយពីអាថ៌កំបាំងនេះបាននៅឡើយទេ៕