ណាហ្គាណូ៖ ទីភ្នាក់ងារឧតុនិយមជប៉ុន (JMA) បានប្រកាសនៅថ្ងៃព្រហស្បតិ៍នេះថា គ្រោះរញ្ជួយដីកម្រិត ៥.៥ រ៉ិចទ័រ បានវាយប្រហារទៅលើខេត្តណាហ្គាណូរបស់ប្រទេសជប៉ុន។ នេះបើយោងតាមការផ្សាយរបស់ទីភ្នាក់ងារសារព័ត៌មាន japantoday។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សទីភ្នាក់ងារឧតុនិយមជប៉ុនបានឱ្យដឹងទៀតថា គ្រោះរញ្ជួយដីកម្រិត ៥.៥ រ៉ិចទ័រនេះ បានកើតឡើងនៅម៉ោង ១ និង ៤៤ នាទី រសៀល។ ប៉ុន្តែគេនៅមិនទាន់ដឹងថា រញ្ជួយដីបានបង្កការរងគ្រោះដល់មនុស្ស ឬខូចខាតទ្រព្យសម្បត្តិអ្វីនៅឡើយទេ ហើយចំណែកការព្រមានអំពីរលកយក្សស៊ូណាមិ ក៏មិនមានដែរ។
សូមជម្រាបផងដែរថា កាលពីថ្ងៃអង្គារកន្លងទៅ ក្រុមអ្នកជំនាញជប៉ុនបានធ្វើការព្យាករណ៍ថា ភាគខាងជើងប្រទេសជប៉ុនអាចនឹងទទួលរងគ្រោះដោយរលកស៊ូណាមី ដែលមានកម្ពស់ជិត ៣០ ម៉ែត្រ ប្រសិនបើមានការរញ្ជួយដីចាប់ពីកម្រិត ៩ រ៉ិចទ័រ ដែលកើតឡើងនៅក្បែរអន្លង់ទឹកជ្រៅ នៃឆ្នេរសមុទ្រប៉ាស៊ីហ្វិករបស់ប្រទេសជប៉ុន៕