តៃវ៉ាន់៖ ផ្ទុះការភ្ញាក់ផ្អើល ក្រោយពេលដែលមិត្តស្រី របស់តារាចម្រៀង និងសម្តែងសញ្ជាតិតៃវ៉ាន់Show Lo បានប្រកាសចែកផ្លូវ ជាមួយមិត្តប្រុសរបស់ខ្លួន លើបណ្តាញសង្គម ក្រោមមូលហេតុថា តារាប្រុសរូបនេះ សាវ៉ាលួចទាក់ទងមនុស្សស្រីជាច្រើន ក្នុងពេលតែមួយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគួរឲ្យដឹងផងដែរថា តារាចម្រៀងShow Lo និងមិត្តស្រីដែលជាតារាម៉ូដែល បានទាក់ទងគ្នា អស់រយៈពេល៩ឆ្នាំហើយ អ្នកទាំងពីរ ក៏បានបើកបង្ហាញ ទំនាក់ទំនងជាសាធារណៈ កាលពីឆ្នាំ២០១៥។ ក៏ប៉ុន្តែក្រោយមក នៅចាប់ពីអំឡុងឆ្នាំ២០១៩ ទំនាក់ទំនងរបស់អ្នកទាំងពីរ ក៏ចាប់ផ្តើមប្រឈមនឹង ភាពច្របូកច្របល់យ៉ាងច្រើន បន្ទាប់ពី មិត្តស្រីលោក ចាប់បានតារាចម្រៀងរូបនេះ កំពុងតែផិតក្បិតលួចទាក់ទង នឹងស្រីដទៃម្តងហើយម្តងទៀត ដោយប្រើទូរស័ព្ទមួយផ្សេងទៀត ដើម្បីលាក់បាំងពីនាង និងធ្វើការណាត់ជួប ជាមួយស្រីផ្សេង។
លើសពីនេះ តារាម៉ូដែលស្រីរូបនេះ ក៏បានលើកឡើងផងដែរថា ពេលនេះនាងមានអារម្មណ៍ថា ខ្លួនឯងពិតជាល្ងង់ខ្លៅខ្លាំងណាស់ ដែលតែងតែធ្វើការអភ័យទោស ជានិច្ចចំពោះ គូស្នេហ៍របស់នាង។ ក៏ដោយសារតែ មិត្តប្រុសរបស់នាង តែងតែ បង្ហាញអាកប្បកិរិយាសុំទោស ទើបធ្វើឱ្យនាង ជឿជាក់ថា គូស្នេហ៍របស់នាងនឹងផ្លាស់ប្តូរ។ តែជាការពិតរូបគេ នៅតែលួចក្បត់នាង នៅពីក្រោយខ្នងដដែលៗ ជាច្រើនលើកច្រើនសារ៕