ចិន៖ ជាតារាស្រីកម្រិតA តែបើមើលពីស្ថានភាព ជីវភាពរបស់ តារាសម្តែងស្រីAli Lee គឺពិតជាលំបាក ព្រោះនាងត្រូវបានខាង ស្ថានីយ៍ទូរទស្សន៍TVB មិនចូលចិត្ត ក៏ព្រោះតែនាងតែងតែបដិសេធ នៅរាល់ពេលដែលខាង ស្ថានីយផ្តល់ នៅឱកាសថតរឿងថ្មីដោយតែងតែលើក មូលហេតុដដែលៗថា នាងជាប់រវល់និង មានបញ្ហាសុខភាពជាដើម។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្តែង កាលពីថ្ងៃទី២២ ខែមេសាកន្លងទៅនេះ តាមសារព័ត៌មានSina បាន ចុះផ្សាយថា ពួកគេបានប្រទះឃើញAli Lee និងមិត្តប្រុសរបស់នាងដើរ នៅលើផ្លូវមួយកន្លែង ដោយពួកគេបានពាក់ម៉ាស និងមួកយ៉ាងជិត។ តារាសម្តែងស្រីរូបនេះ កម្រងបង្ហាញខ្លួន ទៅទិញម្ហូបខ្លាំងណាស់។ តែពេលដែលនាង ទៅទិញម្ហូបនោះគឺ គេឃើញនាងទិញតែ នំបុ័ងមួយដើមតែប៉ុណ្ណោះ។
យ៉ាងណាមិញ បន្ទាប់ពីនាងបានប្រទះដឹងថា មានអ្នកតាមថត នាងក៏បានប្រញាប់ប្រញាល់ ដើរទៅឡាន។ តែអ្វីដែលធ្វើឲ្យ អ្នកគ្រប់គ្នាកាន់តែ ចាប់អារម្មណ៍ ថែមទៀតនោះគឺ តម្លៃឡានរបស់ តារាសម្តែងស្រីរូបនេះ នឹងមិត្តប្រុសរបស់នាង គឺពិតជាមានតម្លៃថោកយ៉ាងខ្លាំង ដែលពិតជាមិនសាកសម នឹងនាមជាតារាសម្តែងកម្រិតA របស់នាងនោះទេ ដែលតម្លៃឡាននោះគឺ ចន្លោះពីខ្ទង់៥,៤០០ ទៅ៥,៦០០ដុល្លារ តែប៉ុណ្ណោះ។ ពោលគឺបើប្រៀបធៀប ជាមួយនឹងទ្រព្យសម្បត្តិនៃ តារាប្រចាំប៉ុស្តិ៍ទូរទស្សន៍ដទៃៗផ្សេងទៀត ពិតជាតិចខ្លាំងណាស់ ត្រឹមប្រៀបស្មើរនឹងតម្លៃឡាន នៃកម្មករក្នុងហុងកុង តែប៉ុណ្ណោះ។
ក្នុងពេលបច្ចុប្បន្នAli Lee មិនសូវជាបានបង្ហាញខ្លួន លើកញ្ចក់ទូរទស្សន៍ ដូចកាលពីមុនទៀតនោះទេ។ ពីព្រោះនាងតែងតែ ធ្វើឲ្យខាងស្ថានីយ៍មានការមិនពេញចិត្ត ដោយនាងតែងតែ បដិសេធមិនព្រមថត ជាមួយស្ថានីយ៍ទូរទស្សន៍ ជាញឹកញាប់។ ស្របពេលដែល ខាងស្ថានីយ៍ព្យាយាមគាំទ្រ នឹងផ្ចុងផ្តើមឲ្យនាងល្បី តែនៅពេលដែលនាងល្បីនាង មិនព្រមស្តាប់តាមស្ថានីយ៍ ហើយបានបដិសេធ ការថតជាមួយTVB ថែមទៀត ដែលអាកប្បកិរិយាទាំងនេះ បានធ្វើឲ្យខាង ប្រធានផ្នែកវិទ្យុ ពិតជាមិនសប្បាយចិត្ត នឹងថែមទាំងបញ្ចូលនាង ក្នុងបញ្ជីBlacklist ថែមទៀតផង៕