តៃវ៉ាន់៖ នៅក្នុងថ្ងៃទី២២ ខែមេសា នេះមានការចុះផ្សាយថា Ariel បានរើទៅនៅ រីឡាតាមក្បួនហុងស៊ុយមួយកន្លែង នៅទីក្រុងតៃប៉ិ បន្ទាប់ពីបានជួសជុស អស់រយៈពេល ជិតមួយឆ្នាំកន្លងមក។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគួរបញ្ជាក់ដែរថា ផ្ទះនេះត្រូវបានទិញដោយ តារាសម្តែងតៃវ៉ាន់រូបនេះ នៅដើមឆ្នាំ២០១៩ ក្នុងតម្លៃទីផ្សារ ២,១ លានដុល្លារ។ ជាមួយគ្នានេះដែរ ក៏មានពាក្យចចាមអារ៉ាមថាAriel ហ៊ានចំណាយប្រាក់យ៉ាងច្រើន ដើម្បីទិញនិង ជួសជុលវីឡានេះ ព្រោះវាត្រូវបានគេចាត់ទុកថាជា ដីល្អមានហុងស៊ុយ ដែលអាចជួយដល់ គូស្វាមីភរិយាឲ្យ មានគត៌ និងផ្តល់កំណើតដល់កូនបានឆាប់ៗ។
ជាការពិត ស្វាមីភរិយាមួយគូនេះ បានរស់នៅឆ្ងាយពីគ្នា អស់មួយរយៈមកហើយ ។ ពោលគឺ ស្របពេលដែល តារាស្រីរូបនេះ រស់នៅប្រទេសតៃវ៉ាន់ តែស្វាមីរបស់នាង រស់នៅនិងធ្វើការនៅ ក្នុងប្រទេសសហរដ្ឋអាមេរិក។ ដូច្នេះអ្នកទាំង២ ច្រើនតែរស់នៅ ដាច់ឆ្ងាយពីគ្នា។ ហើយក្រោយពីរៀបការបាន ៦ឆ្នាំស្វាមីភរិយាមួយគូរនេះ ក៏នៅមិនទាន់បានទទួលដំណឹងល្អ នៅឡើយដែរ។
យោងតាមសារព័ត៌មានApple Daily ក៏ធ្លាប់បានចុះផ្សាយផងដែរថា តារាសម្តែងស្រីAriel ក៏គ្រោងនឹងធ្វើដំណើរទៅ សហរដ្ឋអាមេរិកដើម្បីជួបជុំ ជាមួយស្វាមីរបស់នាងដែរ បន្ទាប់ពីបានប្រកាស បញ្ឈប់សកម្មភាពសិល្បៈ ជាបណ្តោះអាសន្ន ដើម្បីត្រៀមក្នុង ការរៀបចំមានផ្ទៃពោះលើកនេះ។
តែជាអកុសល គម្រោងនោះក៏ត្រូវបានផ្អាកទៅវិញ ដោយសារតែការផ្ទុះឡើង ជម្ងឺដ៏កាចសាហាវCOVID-19 ។ ដូច្នេះនាងក៏បានសំរេចចិត្ត ស្នាក់នៅតៃវ៉ាន់ ដើម្បីមើលថែឪពុកម្តាយក្មេករបស់នាង ដើម្បីឱ្យប្តីរបស់នាង មានអារម្មណ៍ស្រួល ក្នុងការធ្វើការ នៅសហរដ្ឋអាមេរិកផងដែរ៕
Bong I.T