ទើបតែកើតប៉ុន្មានថ្ងៃមុនសោះ! កូនដំបូង ញ៉ែម សុគន្ធ មុខមាត់កាន់តែគួរឲ្យក្នាញ់

ភ្នំពេញ៖ ជឿជាក់ថា ប្រិយមិត្តប្រាកដជាស្គាល់ច្បាស់ ពី តារាប្រុសដ៏មានប្រជាប្រិយភាព លោក ញ៉ែម សុគន្ធ ដែលជាតារាសម្ដែង ព្រមទាំងជា ពិធីករដ៏ល្បី ប្រកបដោយវោហាស័ព្ទដ៏ប៉ិនប្រសប់ ជាពិសេស លោកថែមទាំងមាន មុខមាត់ស្រស់សង្ហា ដែលអាចទាកចិត្តហ្វេនៗគ្រប់គ្នា​បាន ផងដែរ។

យ៉ាងណាមិញ បើងាកមកមើល ពីជីវិតផ្ទាល់ខ្លួន របស់តារាប្រុសរូបនេះវិញ ឃើញថាកាន់តែមានភាព​ផ្អែមល្ហែម និងសុភមង្គល កាន់តែខ្លាំងឡើង ដោយកាលពីប៉ុន្មានថ្ងៃមុននេះ ភរិយា របស់លោកក៏បាន សម្រាលបានកូនប្រុសមុខមាត់គួរឲ្យក្នាញ់ ដែលបានធ្វើឲ្យគ្រួសាររបស់លោក កាន់តែមានភាពកក់ក្ដៅថែមទៀត។

មិនត្រឹមតែប៉ុណ្ណោះ ថ្មីៗនេះ លោក​ ញ៉ែម សុគន្ធ ក៏បានបង្ហោះរូបភាពប៉ុន្មានសន្លឹក ព្រមទាំងវីដេអូ នៅលើបណ្ដាញសង្គមហ្វេសប៊ុក ដោយបានបើកបង្ហាញឲ្យឃើញពីមុខមាត់ កូនប្រុសរបស់ខ្លួន យ៉ាងច្បាស់ៗ ដែលមើលទៅពិតជាគួរឲ្យស្រលាញ់យ៉ាងខ្លាំង ថែមទាំងមានមុខមាត់ដូចប៉ាៗ បេះបិទតែម្តង ម៉្យាងវិញទៀតក៏មានបណ្ដាហ្វេនៗជាច្រើន  ចូលមកសរសើរគ្រប់ៗគ្នា ផងដែរ៕​

ចង់ជ្រាបច្បាស់ សូមទស្សនារូបភាពខាងក្រោម៖