ហុងកុង៖ អ្នកគាំទ្រទូទៅ ប្រាកដជាធ្លាប់បានស្គាល់ហើយពី តារាសម្តែងប្រុសHugo Wong សញ្ជាតិហុងកុងដែលរូបលោក ធ្លាប់បានបង្ហាញខ្លួននៅក្នុង ខ្សែភាពយន្តល្បីៗជាច្រើន របស់ហុងកុងតាមរយៈ ស្ថានីយទូរទស្សន៍TVB។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតែគួរឲ្យសោកស្តាយ ពេលបច្ចុប្បន្នHugo Wong មិនសូវជាបង្ហាញវត្តមាន ក្នុងខ្សែភាពយន្តញឹកញាប់ ដូចកាលពីមុនទៀតនោះទេ។ មូលហេតុគឺ ដោយសារតែតារាប្រុសរូបនេះ ធ្លាប់ជួបនៅការវាយប្រហារ ជាបន្តបន្ទាប់ពី រឿងអាស្រូវផ្លូវភេទកាលពីឆ្នាំ២០១៨ កន្លងមក។
តារាប្រុសរូបនេះធ្លាប់បាន លេចលឺនៅរឿងអាស្រូវផ្លូវភេទ ដ៏គួរឲ្យស្អប់ខ្ពើមមួយ នៅអំឡុងពេលដែលកំពុងថតរឿង ហើយក៏ត្រូវអ្នកគាំទ្រ ចាប់បានថារូបលោកបានទាក់ទង ជាមួយនឹងអ្នករួមការងារម្នាក់ ដែលកំពុងតែពពោះ។ តែរឿងមិនចប់ត្រឹមនេះទេ ក្នុងឆ្នាំ២០១៦ Hugo Wong បានសម្រេចរៀបការជាមួយ តារាសម្តែងជប៉ុនមួយរូប ដែលមានឈ្មោះថាHiromi Wada ហើយបន្ទាប់មកនាង ក៏បានដាក់ពាក្យសុំលះលែង។ ដោយសារកើត រឿងអាស្រូវផ្ទួនៗគ្នាពេកHugo Wong ក៏ត្រូវបានខាងស្ថានីយទូរទស្សន៍ ធ្វើការបញ្ឈប់ និងសម្រេចលុបចោលនៅ ការសម្តែងទាំងអស់ ជាមួយប៉ុស្តិ៍ទូរទស្សន៍តែម្តង។
យ៉ាងណាមិញ បន្ទាប់ពី២ឆ្នាំក្រោយមក បន្ទាប់ពីរឿងអាស្រូវទាំងនោះ ត្រូវបានស្ងប់ស្ងាត់ហើយHugo Won ក៏ត្រូវបានខាងស្ថានីយទូរទស្សន៍ ផ្តល់ឳកាសឲ្យបង្ហាញខ្លួនសារជាថ្មី លើកញ្ចក់ទូរទស្សន៍។ តែក្នុងអំឡុងពេលដែល ទទួលនៅការវាយប្រហារ ពីរឿងអាស្រូវ ២ឆ្នាំកន្លងមកនោះHugo Won ក៏បានទទួលរងសម្ពាធយ៉ាងធ្ងន់ធ្ងរ ដែលបណ្តាលឲ្យធ្លាក់ខ្លួនឈឺ គឺបញ្ហាផ្លូវចិត្តដោយសារ តែរឿងអាស្រូវជាមួយស្ត្រី២រូប។
ជាក់ស្តែង រឿងអាស្រូវលើកនោះ បានធ្វើឲ្យHugo Won បានទទួលនៅ ការប៉ះទង្គិចផ្លូវអារម្មណ៍យ៉ាងខ្លាំង ដោយក្នុងរយៈពេល២ឆ្នាំនោះ គឺលោកមិនហ៊ានណាត់ជួប រឺស្គាល់អ្នកផ្សេងនោះទេ។ ទន្ទឹមនឹងនេះដែរHugo Won ថែមទាំងឈឺ ដោយសារតែ ខ្លាចមនុស្សស្រីទៀតផង។ ពោលរាល់ពេលដែល លោកបានជួបមិត្តរួមការងារ ជាស្ត្រី Hugo Won តែងតែព្យាយាមគេច មិនចង់ធ្វើការទំនាក់ទំនង ជាមួយពួកគេនោះទេ។
លើសពីនេះទៀតនោះHugo Won នឹងទទួលរងនៅសម្ពាធភ្លាមៗ នៅពេលដែលមានមនុស្សស្រីណា សម្លឹងមើលលោកយូរជាងធម្មតា គឺលោកនឹងចាប់ផ្តើម មានអារម្មណ៍ថាឈឺដៃនិង ជើងញ័រ ខ្លួនមិនអាចដកដង្ហើម ហើយគឺត្រូវតែលេបថ្នាំ ដើម្បីគ្រប់គ្រងវា ផងដែរ៕