ចិន៖ ជាការពិត ក្នុងវិស័យភាពយន្តរបស់ចិន មុនពេលដែលផ្ទុះ ការរីករាលដាលនៃវីរុសCOVID-19 នេះតម្លៃខ្លួនរបស់តារាចិន ត្រូវបានកំណត់ចាប់ពីចំនួន៤០០,០០០ យ័នឡើងទៅ ក្នុងមួយភាគ ដែលស្មើរនឹង៥៦,៥០០ ដុល្លារអាមេរិក។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនាពេលបច្ចុប្បន្ននេះ គេឃើញថា ការផលិតខ្សែភាពយន្ត និងកម្មវិធីទូរទស្សន៍ នៅក្នុងប្រទេសចិន នៅតែទទួលឥទ្ធិពលយ៉ាងខ្លាំង ពីការរីករាលដាលនៃCovid-19 ។ ដែលជាហេតុដែលធ្វើឲ្យ ទីផ្សារធ្លាក់ចុះ ហើយក៏កំពុងប្រឈមមុខនឹង កង្វះខាតហិរញ្ញវត្ថុ យ៉ាងធ្ងន់ធ្ងរ បូកផ្សំនឹងពេលវេលា ក្នុងការផលិតយូរ ពិបាកក្នុងការគ្រប់គ្រង ដែលនាំឱ្យមានការធ្លាក់ចុះតម្លៃ នៃការទិញខ្សែភាពយន្ត។
ថ្មីៗនេះ សមាគមឧស្សាហកម្ម ផលិតខ្សែភាពយន្ត និងទូរទស្សន៍ចិន(CTPIA) សមាគមផលិតកម្មវិធីទូរទស្សន៍ របស់ប្រទេសចិន និងអ្នកដឹកនាំឧស្សាហកម្ម បានស្នើឱ្យកំណត់ថវិកា សម្រាប់ការផលិតឡើងវិញ។ យោងទៅតាម ការអនុវត្តជាអន្តរជាតិ ប្រាក់ខែរបស់អ្នកនិពន្ធ អ្នកដឹកនាំរឿង ឬអ្នកសំដែងសំខាន់នៅក្នុងរឿង មិនអាចខ្ពស់ជាង១០ ភាគរយ នៃតម្លៃផលិតកម្មសរុបឡើយ។
លើសពីនេះទៀត ប្រាក់ខែសរុប ដែលបានចំណាយសម្រាប់ ការសម្តែងទាំងអស់ នៅក្នុងក្រុមផលិតខ្សែភាពយន្ត មិនត្រូវលើសពី៤០ភាគរយ នៃតម្លៃផលិតសរុបទេ។ នេះមានន័យថា សូម្បីតែតារាដែលជាប់ ក្នុងតារាងA គួរតែទទួលបានតែ ៤០ម៉ឺនយ័ន ដែលស្មើរនឹង៥៦,៥០០ដុល្លារអាមេរិកប៉ុណ្ណោះ បន្ទាប់ពីថតរឿងនីមួយៗចប់។ រឿងរ៉ាវប្រាក់ខែរបស់សិល្បករចិននេះ តែងតែមានជា ភាពចម្រូងចម្រាស់ព្រោះវា ពិតជាខ្ពស់ពេក ហើយជាថ្នូរ នឹងគុណភាពខ្សែភាពយន្ត គឺពិតជាមិនធម្មតានោះទេ។
យ៉ាងណាមិញ បើយោងទៅតាម ប្រព័ន្ធផ្សព្វផ្សាយរបស់ចិន តារាសម្តែងភាគច្រើនច្រើន អាចទទួលបានប្រាក់ខែ ចាប់ពីចន្លោះ៥០០,០០០ ទៅ៧៥០,០០០ យ័នក្នុងមួយភាគ ស្មើរនឹង៧០,៦០០ ទៅ១០៦,០៣៥អាមេរិក។
ជាក់ស្តែង ដូចជា តារាសម្តែង Fan Bingbing នាងអាចទទួលបាន នៅតម្លៃខ្លួនរហូតដល់ទៅ៧០០,០០០ យ័ន ស្មើរនឹង៩៨,៩០០ ដុល្លារអាមេរិក ក្នុងមួយភាគទូរទស្សន៍។ រីឯប្រាក់ខែរបស់Yang Mi ហាក់ដូចជាមានការធ្លាក់ចុះ មកនៅ៥៥០,០០០ យ័ន ស្មើរនឹង៧៧,៧០០ អាមេរិក សម្រាប់មួយភាគៗ។ លើសពីនេះទៅទៀត ក៏មានតារាមួយចំនួនដែលមានដូចជាChau Tan Trieu Vy Ton Le និងAngelababy ក៏មានសំណងរហូតដល់ទៅជាងរាប់សិបលានយ័នផងដែរ បន្ទាប់ពីខ្សែភាពយន្តនីមួយៗ ត្រូវបានបិទផងដែរ៕
Bong I.T