ថៃ៖ ក្រុមអ្នកបរិស្ថាននិយាយថា សត្វអណ្តើកសមុទ្រដ៏កម្របានធ្វើសំបុកចំនួនច្រើនបំផុតក្នុងរយៈពេលពីរទសវត្សរ៍ នៅលើឆ្នេរខ្សាច់នៅ Phuket និង Phang Nga ខណៈដែលភ្ញៀវទេសចរកំពុងភ័យខ្លាចដោយសារតែការរីករាលដាលនៃជម្ងឺកូវីដ-១៩។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនៅក្នុងប្រទេសថៃដែលមានអ្នកឆ្លងជម្ងឺកូវីដ-១៩ ចំនួន ២,៧៦៥ នាក់ និងអ្នកស្លាប់ ៤៧ នាក់ ហើយការធ្វើដំណើរមានការរឹតត្បិតដោយអំពាវនាវដល់ពលរដ្ឋឱ្យស្នាក់នៅផ្ទះ ចំណែកជើងហោះហើរអន្តរជាតិក៏ត្រូវបានហាមឃាត់ផងដែរ ដែលធ្វើឲ្យចំនួនភ្ញៀវទេសចរធ្លាក់ចុះ។ ដែលនេះជាហេតុនាំឲ្យឆ្នេរសមុទ្រក្លាយជាកន្លែងដែលបានផ្ដល់សេរីភាពសម្រាប់សត្វសមុទ្រ និងសត្វព្រៃដែលពុំធ្លាប់មាន។
លោក Kongkiat Kittiwatanawong ប្រធានមជ្ឈមណ្ឌលជីវសាស្ត្រសមុទ្រ Phuket បាននិយាយថា អាជ្ញាធរបានរកឃើញសំបុកសត្វអណ្តើកចំនួន ១១ ចាប់តាំងពីខែវិច្ឆិកាគឺជាចំនួនខ្ពស់បំផុតក្នុងរយៈពេល ២០ ឆ្នាំដែលពុំធ្លាប់មាន។
លោកបានប្រាប់ទីភ្នាក់ងារសាព័ត៌មាន Reuters ថា "នេះគឺជាសញ្ញាល្អណាស់សម្រាប់យើង ពីព្រោះតំបន់ជាច្រើនសម្រាប់ពងកូនរបស់សត្វប្រភេទនេះត្រូវបានបំផ្លាញដោយមនុស្ស"។ មិនមានសំបុកបែបនេះត្រូវបានរកឃើញទេ ក្នុងរយៈពេល ៥ ឆ្នាំកន្លងមកនេះ។
"ប្រសិនបើយើងប្រៀបធៀបនឹងឆ្នាំមុន យើងមិនឃើញមានពងច្រើនទេ ពីព្រោះសត្វអណ្តើកទាំងអស់ប្រឈមនឹងហានិភ័យខ្ពស់ក្នុងការសម្លាប់ដោយឧបករណ៍នេសាទ និងសកម្មភាពមនុស្សរំខាននៅតាមឆ្នេរខ្សាច់"។
Leatherbacks គឺជាប្រភេទសត្វអណ្តើកសមុទ្រដ៏ធំបំផុតនៅលើពិភពលោក។ សត្វទាំងនោះត្រូវបានចាត់ទុកជាសត្វជិតផុតពូជនៅក្នុងប្រទេសថៃ និងត្រូវបានចុះបញ្ជីជាប្រភេទសត្វងាយរងគ្រោះនៅទូទាំងពិភពលោកដោយសហភាពអន្តរជាតិដើម្បីអភិរក្សធនធានធម្មជាតិ។
ពួកគេបានលាក់ពងរបស់ពួកគេនៅក្នុងតំបន់ងងឹត និងស្ងាត់ ដោយគេចពីអ្នកទេសចរតាមឆ្នេរសមុទ្រ។ ក៏ព្រោះតែត្រូវបានគេដឹងថាមានមនុស្សធ្លាប់បានជីកសំបុករបស់ពួកគេដើម្បីលួចយកពង។
កាលពីចុងខែមីនាបុគ្គលិកនៅឧទ្យានជាតិមួយនៅភាគខាងត្បូង ខេត្ត Phang Nga ជាប់នឹងសមុទ្រ Andaman ដែលស្ថិតនៅភាគខាងជើងនៃ Phuket បានរកឃើញកូនអណ្ដើកប្រភេទនេះបានញាស់កូន ៨៤ ក្បាលបន្ទាប់ពីតាមដានពងរបស់ពួកគេអស់រយៈពេល ២ ខែ៕
សូមទស្សនារូបភាពខាងក្រោម៖
ប្រភព៖ Bangkok Post