ក្រមុំល្មមៗសុំចាញ់! មិនខ្វល់ពាក្យចចាមអារ៉ាម Yang Mi ចាយរាងមួយទំហឹងលើក្របទស្សនាវដ្តី

ចិន៖ តារាសម្តែងមេម៉ាយកូនមួយ Yang Mi តែងតែទទួលបានការចាប់អារម្មណ៍ខ្លាំង ពីឧស្សាហកម្មកម្សាន្ត រាល់សកម្មភាព និងការបង្ហាញខ្លួនរបស់នាង គ្រប់ទីកន្លែងដែលបានទៅ ព័ត៌មាននឹងចុះផ្សាយព្រោតព្រាត និងក្លាយជាប្រធានបទក្តៅគគុកទៀតផង។

យ៉ាងណាមិញ បន្ទាប់ពីលែងលះគ្នាបានមួយឆ្នាំ កាលពីថ្មីៗនេះ មានពាក្យចចាមអារ៉ាម និយាយថា រូបនាង បានណាត់ជួបតារាប្រុសវ័យក្មេង Wei Dai Huan ។ ទោះបីមានព័ត៌មាន និងរូបថតរបស់ Yang Mi ទៅសណ្ឋាគារជាមួយតារាសម្តែង Wei Dai Huan ក៏អ្នកទាំងពីរ មិនទាន់បានបកស្រាយពី ទំនាក់ទំនងនៅឡើយទេ។

ទោះបីជា ផ្លូវស្នេហា និងអាជីពការងារ ធ្វើឱ្យសាធារណជន មានការភ្ញាក់ផ្អើលយ៉ាងខ្លាំង ព្រោះថ្មីៗនេះ Yang Mi នៅតែបន្តក្លាយជាអ្នកមុខមាត់ លើក្របទស្សនាវដ្តីដ៏ល្បីល្បាញមួយ។ ក្នុងរយៈពេលដ៏ខ្លីនេះដែរ អ្នកម្តាយកូនមួយនេះ​ បានធ្វើឱ្យអ្នកលេងអ៊ីនធើណែត ស្រឡាំងកាំង និងចំហរមាត់ ជាមួយសម្រស់ និងមុខមាត់នៅលើគម្របទស្សនាវដ្តី រដូវកាលថ្មី ពិតជាស្អាត ព្រមទាំងទាក់ទាញ ​មិនចាញ់សិល្បៈជំនាន់ក្រោយនោះទេ៕

សូមទស្សនារូបភាពខាងក្រោម៖