ភ្នំពេញ៖ ជឿជាក់ថា ប្រិយមិត្តមួយចំនួន ប្រហែលជានៅចាំបាន បើរំឭកដល់ឈ្មោះ តារាចម្រៀងស្រី មានភាពក្រមិចក្រម៉ើម កញ្ញា វ៉ាន់ នីឡា ដែលជាអតីតតារាចម្រៀងក្នុងផលិតកម្ម Pleng Record ហើយក៏ទទួលបានការគាំទ្រច្រើន ពីទស្សនិកជន តាមរយៈបទចម្រៀងពីរោះៗជាច្រើន របស់នាងនាពេលកន្លងមក ដូចជាបទ «មនុស្សបងធុញវិលវិញបានទេ» ជាដើម។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សទន្ទឹមនឹងការងារជោគជ័យនេះដែរ គេសង្កេតឃើញថា តាំងពីមានរឿងអាស្រូវផ្ទាល់ខ្លួនក្នុងវិស័យសិល្បៈមក តារាស្រីសម្លេងផ្អែមរូបនេះ ហាក់ឃ្លាតឆ្ងាយពីសិល្បៈ ដោយមិនសូវបង្ហាញមុខក្នុងកម្មវិធីនានា ឬ ចេញនូវបទចម្រៀងថ្មីៗទៀតឡើយ។ ប៉ុន្តែអ្វីដែលគេចាប់អារម្មណ៍នោះគឺ តារាស្រីរូបនេះ បែរជាងាកមកប្រើជីវិតឯកជនច្រើន និងមានភាពជោគជ័យលើការងាររកស៊ីច្រើនជាងទៅវិញ។
ដោយឡែក បើផ្តោតអារម្មណ៍ទៅស្ដាប់ទឹកដមសម្លេងរបស់ស្រីស្រស់រូបនេះវិញ ដែលថ្មីៗនេះ តាមរយៈវីដេអូមួយបង្ហោះនៅលើគណនី Instagram របស់នាងផ្ទាល់ ដោយនាងបានបកស្រាយបទចម្រៀងមួយបទ ជាបទភាសាអង់គ្លេស គឺនាង នៅតែបកស្រាយបានយ៉ាងពីរោះផ្អែម ពិសេសទឹកដមសម្លេងនៅតែរក្សាភាពពីរោះ បានដូចមុនដដែល។
ហើយក្នុងនោះដែរ នៅតែមានហ្វេនៗ ដែលតែងតែគាំទ្រ និងលើកទឹកចិត្តតារាស្រីរូបនេះ ចូលមកខំមិនសរសើរអំពីទេពកោសល្យរបស់នាង ជាច្រើនហូរហែរផងដែរ៕
ចង់ជ្រាបច្បាស់ទស្សនាវីដេអូខាងក្រោម៖