ប្រពៃណាស់! ព្រាប សុវត្ថិ បរិច្ចាគប្រាក់បៀវត្សផ្ទាល់ខ្លួនចំនួន ៦ខែ ដើម្បីទប់ស្កាត់ជំងឺ Covid-19

ភ្នំពេញ៖ ជាការពិតណាស់ លោក ព្រាប សុវត្ថិ ជាតារាកំពុលតារាច្រៀងម្នាក់ប្រចាំកម្ពុជា ដែលលោកតែងតែមានការគាំទ្រច្រើនពីមហាជនទូទាំងប្រទេស។ មិនត្រឹមតែជាតារាល្បីប៉ុណ្ណោះទេ តែលោកក៏មានមុខងារមួយទៀតផងដែរ ដែលលោកមានមុខងារជាវរសេនីយ៍ឯក និង នាយករងការិយាល័យទី៥ កងទ័ពជើងគោកទៀតផង។

ស្របពេលដែល ជំងឹវីរុស Covid-19 បានរាងរាលដាលមកកាន់កម្ពុជារូបលោកក៏ធលាប់បានយកថវិកាផ្ទាល់ខ្លួនមកបរិច្ចាគ ដើម្បីទប់ស្កាត់ជំងឺនេះផងដែរ តែអ្វីដែលយើងកាន់តែសរសើរពីទឹកចិត្តលោកនោះគឺ ពេលនេះរូបលោក បានបរិច្ចាគជាប្រាក់បៀវត្សផ្ទាល់ខ្លួន ចំនួន ៤០០,០០០រៀល ចំនួន ៦ខែ ដោយគិតចាប់ពីខែ ឧសភា រហូតដល់ខែ តុលា ឆ្នាំ ២០២០នេះ។

ទឹកប្រាក់ដែលលោក ព្រាប សុវត្ថិ បានបរិច្ចាគចំនួន ៤០០,០០០ រៀល ចំនួន ៦ខែនេះក៏ដើម្បីជួយទប់ស្កាត់ និងប្រយុទ្ធប្រឆាំងពីជំងឺវីរុស Covid-19 នេះផងដែរ។ ក្រោយពីបានឃើញសកម្មភាពល្អ និង ទឹកចិត្តដ៏ប្រពៃនេះរួច មានមហាជន និង អ្នកគាំទ្ររបស់លោក បានកោតសរសើរពីទឹកចិត្តល្អ ដោយបានបរិច្ចាគជាប្រាក់បៀវត្សផ្ទាល់ខ្លួនជួយដល់សង្គមជាតិ៕

សូមទស្សនារូបភាពខាងក្រោម៖