បរទេស៖ កាលពីថ្ងៃទី១៧ ខែមេសាកន្លងទៅនេះ បើយោងតាម សារព័ត៌មានQQ របស់ចិន បានចុះផ្សាយថា តារាសម្តែងស្រីKarena Ng បានស្នើសុំមិត្តប្រុសថ្មីរបស់នាង ធ្វើការផ្លាស់ប្តូរផ្ទះភ្លាមៗ នៅពេលដែលបានដឹងថា អតីតមិត្តប្រុសរបស់នាងRaymond Lam និងភិរិយាក៏រស់នៅទីនោះដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្តែង កាលពីពេលថ្មីៗទៅនេះ មិត្តប្រុសថ្មីរបស់នាង បានសំណូមពរ តារាសម្តែងស្រី ដែលកើតក្នុងឆ្នាំ១៩៩៣រូបនេះ រស់នៅផ្ទះមួយជាមួយគ្នា បន្ទាប់ពីពួកគេបានធ្វើការទាក់ទងគ្នា អស់មួយរយៈពេលរួចមក។ ក៏ប៉ុន្តែគេសង្កេតឃើញថា បន្ទាប់ពីរើទៅនៅ ផ្ទះថ្មីKarena Ng ក៏ស្រាប់តែដឹងថា អតីតមិត្តប្រុសរបស់នាងRaymond Lam និងភិរិយាក៏រស់នៅទីនោះដូចគ្នាដែរ។ ដូច្នេះដើម្បីជៀសវាង មិនឲ្យងាយនឹងជួបគ្នា នៅពេលក្រោយKarena Ng ក៏បានសំណូមពរ មិត្តប្រុសថ្មីរបស់នាង ផ្លាស់ប្តូរចេញពីទីនោះតែម្តង។
យ៉ាងណាមិញ បន្ទាប់ពីមានការស្នើសុំ ឲ្យមានការផ្លាស់ប្តូរផ្ទះនេះរួចហើយ គេក៏ឃើញថា មិត្តប្រុសថ្មីរបស់នាង ក៏បានសម្រេចចិត្តជួលផ្ទះថ្មី ដែលមានតម្លៃរហូតដល់ទៅ៧០០០ដុល្លារក្នុងមួយខែ រស់នៅជាមួយគ្នា ដើម្បីកសាងទំនាក់ទំនង របស់ពួកគេឲ្យកាន់តែ រឹងមាំបន្ថែមទៀត។
លើសពីនេះ មិនត្រឹមតែប៉ុណ្ណោះ ដើម្បីផ្គាប់ចិត្តមិត្តស្រី ដែលចូលចិត្តលេងកីឡាទឹករូបនេះ មិត្តប្រុសរបស់នាង ក៏មិនសោកស្តាយលុយ ក្នុងការចំណាយ ទិញវីឡាមួយកន្លែងដែល នៅក្បែរកំពង់ផែនោះ ក្នុងតម្លៃរហូតដល់ទៅ៤,៣ លានដុល្លារអាមេរិក សម្រាប់នាងផងដែរ៕