ឥណ្ឌា៖ កាលពីថ្ងៃអាទិត្យកន្លងទៅថ្មីៗនេះ ពលរដ្ឋឥណ្ឌារាប់សិបនាក់ បាននាំគ្នាប្រឆាំងនឹងវិធានការបិទប្រទេសរបស់រដ្ឋាភិបាល ដើម្បីចូលរួមគោរពវិញ្ញាណក្ខន្ធគោឈ្មោលមួយក្បាល ជាលើកចុងក្រោយ បើទោះបីជាជំងឺកូវីដ-១៩ កំពុងរាលដាលយ៉ាងណាក៏ដោយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សពិធីនេះ ធ្វើឡើងនៅក្នុងភូមិ ម៉ាឌូរ៉ៃ ភាគខាងជើងរដ្ឋ តាមិលណាឌូ ដោយមានអ្នកកាន់ទុក្ខជាង ២០០នាក់ បានចូលរួម ដើម្បីធ្វើការដង្ហែ និងបញ្ចុះសពគោឈ្មោលមួយក្បាល ឈ្មោះថា មូលី ដែលបានងាប់ក្នុងអាយុប្រហែល ២០ឆ្នាំដោយសារជំងឺ។ ហើយគោឈ្មោលនេះដែរ អ្នកភូមិតែងតែធ្វើការគោរពបូជា ដោយចាត់ទុកជាអទិទេពទៀតផង។
យោងតាមមន្ដ្រីប្រចាំតំបន់ លោក Vinay បានឲ្យដឹងថា ដំបូងអ្នកចូលរួមក្នុងពិធីនេះ មានត្រឹមតែ ៤០ ទៅ ៥០នាក់ប៉ុណ្ណោះ តែក្រោយមកមានមនុស្សចន្លោះពី ១០០ ទៅ ២០០នាក់ បានជួបជុំគ្នា រួចដើរបន្ដកន្ទុយគ្នា ដើម្បីគោរព និងធ្វើការអធិស្ឋានជាលើកចុងក្រោយ។
ទន្ទឹមនឹងនេះដែរ ស្រ្ដីម្នាក់ បានរៀបរាប់ទាំងទឹកភ្នែកថា៖
អ្នកស្រីបន្ថែមថា៖
យ៉ាងណាមិញ ជុំវិញករណីនេះ ប៉ូលិសបានដាក់ពាក្យបណ្ដឹងទៅលើអ្នកភូមិចំនួន ៧នាក់ ពីបទប្រឆាំងនឹងបម្រាម លើការប្រមូលផ្ដុំមនុស្សលើសពី ៥នាក់។
សូមជម្រាបថា ពិធីបុណ្យសពសម្រាប់សត្វ នៅក្នុងប្រទេសឥណ្ឌាមិនមែនជារឿងចម្លែកនោះទេ ហើយបើនៅតាមជនបទវិញ គេតែងធ្វើពិធីនេះយ៉ាងគគ្រឹកគ្រេងទៀតផង៕