មុខស្អាតប៉ុណ្ណឹងហើយ! តែពេលនេះ កុសុម៉ា កែកុនភ្នែក២ជាន់ យ៉ាងប្លែកស្អាតជាងមុន

ភ្នំពេញ៖ សុភ័ក្រ កុសុម៉ា ជាតារាស្រីដែលកំពុងមានប្រជាប្រិយភាពភាពខ្លាំង ដោយនាងតែងតែមានវោហារស័ព្ទចាក់ទឹកមិនលិច ហើយពូកែនិយាយស្ដីបែបកំប្លុកកំប្លែងៗ ធ្វើឲ្យគ្រប់គ្នាសើចសប្បាយ ខណៈបច្ចុប្បន្ននេះ នាងកាន់តែមានការគាំទ្រច្រើនពីមហាជន ក៏ដូចជាអ្នកគាំទ្ររបស់នាងផ្ទាល់។

ជាមួយគ្នានេះដែរ នាងក៏កាន់តែមានការងារច្រើនជាបន្តបន្ទាប់ ជាពិសេសការរៀបចំតុបតែងខ្លួនរបស់នាង តែងតែមានភាពទាក់ទាញ និង លេចធ្លោជាខ្លាំង ដោយរាល់ស្ទាយ៍នីមួយៗរបស់នាងឃើញថា ពិតជាសាកសមជាមួយនាងទៀតផង។ ក្នុងនោះដែរ បើទោះបីនាងមានសម្បុរខ្មៅស្រអែមក៏ពិតមែន តែមើលទៅនាងពិតជាស្រស់ស្អាតមិនចាញ់អ្នកស្បែកសៗនោះឡើយ។

តួយ៉ាង ថ្មីៗនេះ យើងឃើញមានរូបភាពរបស់ សុភ័ក្រ កុសុម៉ា ដែលអាចធ្វើឲ្យគ្រប់គ្នាមានការភ្ញាក់ផ្អើលយ៉ាងខ្លាំង ដោយសារនាងបានទៅធ្វើត្របកភ្នែកពីរជាន់ ឃើញថាពិតជាប្លែក បើទោះបីនាងមានមុខមាត់ស្អាតហើយក៏ពិតមែន តែនាងនៅតែសម្រេចចិត្តទៅធ្វើត្របកភ្នែកពីរជាន់បន្ថែម ដើម្បីធ្វើឲ្យសម្រស់របស់នាងកាន់តែស្រស់ស្អាតជាងមុន៕

ប្រភព៖ D89 beauty & academy

សូមទស្សនារូបភាពខាងក្រោម៖