ភ្នំពេញ៖ ដូចដែរប្រិយមិត្តបានដឹង ការប្រកួតបាល់ទាត់ពានរង្វាន់មិត្តហ្វូនខេមបូឌានលីគ និងការប្រកួតពានរង្វាន់សម្ដេចអគ្គមហាសេនីបតីតេជោ ហ៊ុន សែន ឆ្នាំ២០២០ ត្រូវបានប្រកាសពន្យារពេលនៃការប្រកួតជាបណ្ដោះអាសន្ន ក្នុងគោលបំណងទប់ការស្កាត់ការរីករាលដាលនៃជំងឺកូវីដ១៩។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សមិនត្រឹមតែប៉ុណ្ណោះ សកម្មភាពហ្វឹកហាត់របស់បណ្ដាក្លិបនីមួយៗដែលមានលក្ខណៈប្រមូលផ្ដុំក៏ត្រូវបានតម្រូវឲ្យផ្អាកដូចគ្នា ដោយជំនួសមកវិញនូវការហ្វឹកហាត់ជាលក្ខណៈផ្ទាល់ខ្លួន ដោយមានការរៀបចំពីសំណាក់ក្រុមការងារគ្រូបង្វឹកទៅតាមបណ្ដាក្លិបរៀងៗខ្លួន។
យ៉ាងណាមិញ បើទោះបីជាការប្រកួត និងការហ្វឹកហាត់ជាក្រុមត្រូវបានពន្យារពេលសិនក៏ដោយ ខ្សែប្រយុទ្ធជួរមុខរបស់ក្លិបបាល់ទាត់បឹងកេត កីឡាករ ចាន់ វឌ្ឍនាកា បានធ្វើការហ្វឹកហាត់ដោយខ្លួនឯងដើម្បីរក្សាកម្លាំង កាយសម្បទា រួមជាមួយនឹងបច្ចេកទេសផងដែរ។
ជាមួយគ្នានេះ តាមរយៈវីដេអូមួយដែលបង្ហោះនៅលើទំព័រ Facebook ផ្លូវការរបស់ក្លិបបាល់ទាត់បឹងកេត កីឡាករ ចាន់ វឌ្ឍនាកា បានធ្វើការហ្វឹកហាត់ទាត់បាល់ហ្រ្វីឃីគ (Free-Kick) ដោយប្រើជើងឆ្វេងស៊ុតបញ្ចូលទីយ៉ាងល្អ ហើយគេថែមទាំងបានធ្វើស្ទីលអបអរដូច Idol របស់គេ កីឡាករ Cristiano Ronaldo ថែមទៀត។
គួរឲ្យដឹងដែរថា សម្រាប់កាលបរិច្ឆេទនៃការវិលត្រឡប់មកវិញនៃការប្រកួតពានរង្វាន់លីគកំពូល និងពានរង្វាន់សម្ដេច ហ៊ុន សែន នៅមិនទាន់មានការបញ្ជាក់នៅឡើយ ដោយរង់ចាំមើលស្ថានភាពវិវត្តន៍របស់ជំងឺកូវីដ១៩ នៅក្នុងប្រទេសកម្ពុជា៕
ចង់ជ្រាប់កាន់តែច្បាស់ សូមទស្សនាវីដេអូខាងក្រោម៖