ភ្នំពេញ៖ កាលពីនាព្រឹកថ្ងៃទី ១០ ខែមេសា ឆ្នាំ២០២០នេះ អ្នកនាង សុន កណ្ណិកា និង ក្រុមការងារ បានចុះទៅដល់ខណ្ឌពោធិសែនជ័យ ដើម្បីចែកជូននូវសម្ភារៈនិង ស្ព្រេបាញ់សម្លាប់មេរោគ ដល់ប្រជាពលរដ្ឋតាមផ្ទះជាង១៥០០នាក់ សម្រាប់ប្រើប្រាស់ ព្រមទាំងបានចូលរួមចែករំលែកចំណេះដឹង ពីវិធីបង្ការខ្លួនពីជំងឺ កូវីដ-១៩ ក៏ដូចជាបង្ហាញការតាមដានរោគសញ្ញានានាផងដែរ ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាមិញ នេះជាការផ្តល់ជូន និងចូលរួមចំណែកមួយផ្នែកធំជាមួយ រាជរដ្ឋាភិបាលនៃព្រះរាជាណាចក្រកម្ពុជា ក្នុងបេសកម្មប្រយុទ្ធប្រឆាំង និងទប់ស្កាត់វីរុស COVID-19 ដែលកំពុងតែរាតត្បាតមនុស្សជាង១លាននាក់ និងបានសម្លាប់មនុស្សជាង៨ម៊ឺននាក់ ទូទាំងសកលលោក បើគិតមកដល់ថ្ងៃនេះ។
ជាមួយនឹងបេសកម្មដ៏សប្បុរសមួយនេះ អ្នកនាង សុន កណ្ណិកា និង គណៈអភិបាលខណ្ឌពោធិសែន បាននាំយកនូវ សម្ភារៈនិង ក៏ដូចជាស្ព្រេបាញ់សម្លាប់មេរោគជាង ៥០០០ដប សម្រាប់ចុះចែកជូនប្រជាពលរដ្ឋនូវតាមគេហដ្ឋានប្រើប្រាស់ ព្រមទាំងបានចូលរួមចែករំលែកចំណេះដឹងពីវិធីបង្ការខ្លួនពីជំងឺកូវីដ-១៩ និងការតាមដានរោគសញ្ញានានាផងដែរ ។
អ្នកស្រី សុន កណ្ណិកា បន្តថា៖
« នេះគឺជាទឹកចិត្តបន្តិចបន្តួច របស់អ្នកនាង ដែលបានចូលរួមចំណែកចែករំលែក និងក្រើនរំលឹកប្រជាជនឲ្យមានអនាម័យ និងការពារប្រឆាំងនឹងជំងឺកូវីដ-១៩ អ្នកនាងក៏បានលើកទឹកចិត្តឲ្យប្រជាជនព្យាយាមថែរក្សាសុខភាពដោយការស់នៅស្អាត និងឧស្សាហ៍លាងសម្អាតដៃជាមួយ ស្ព្រេសម្លាប់មេរោគ អាល់កុល និងចាំបាច់ត្រូវ ពាក់ម៉ាសពេលចេញក្រៅផ្ទះ ជៀសវាងការស្និទ្ធស្នាលជាមួយអ្នកដទៃជាដើម។»
Bong I.T