កូរ៉េខាងត្បូង ៖ ដោយសារតែ SNSD ធ្លាប់ត្រូវបានគេចាត់ទុក ជាក្រុមចម្រៀងនារីថ្នាក់ជាតិ ដូច្នេះហើយសកម្មភាពរបស់ពួកគេ តែងតែទទួលបានការចាប់អារម្មណ៍ខ្លាំង ពីសំណាក់ទស្សនិកជន នៅទូទាំងប្រទេស។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកាលពីពេលថ្មីៗនេះដែរ សមាជិកម្នាក់នៅក្នុងក្រុម គឺ Hyoyeon ស្រាប់តែទទួលរងនូវមតិរិះគន់យ៉ាងខ្លាំង ពីមហាជន បន្ទាប់ពីនាងបានប្រកាសលក់ផ្ទះ ក្នុងតម្លៃថ្លៃ។
ជាក់ស្តែង កាលពីដើមខែមីនា Hyoyeon បានចូលរួមក្នុងកម្មវិធីបង្ហាញការពិត របស់ប៉ុស្តិ៍ទូរទស្សន៍ JTBC។
តារាចម្រៀងស្រីរូបនេះ បានធ្វើឲ្យហ្វេនៗពោលសរសើរមិនដាច់ពីមាត់ ពីភាពស្រស់ស្អាតនៃផ្ទះដែលនាងរស់នៅ ដែលស្ថិតនៅក្នុងក្រុង Incheon តំបន់ Songdo។
ប៉ុន្តែមិនយូរប៉ុន្មាន Hyoyeon ក៏ស្រាប់តែប្រកាសលក់ផ្ទះប្រណីតនោះ ក្នុងតម្លៃខ្ពស់ទៅវិញ ធ្វើឲ្យហ្វេនៗយល់ថា នាងដូចជាបើកបង្ហាញផ្ទះក្នុងកម្មវិធី ដើម្បីលក់បានក្នុងតម្លៃថ្លៃយ៉ាងដូច្នោះដែរ។
មនុស្សជាច្រើនបានលើកការចោទប្រកាន់ ទៅរូបនាងថា ព្យាយាមឆ្លៀតយកប្រយោជន៍ពីកម្មវិធីទូរទស្សន៍ ដើម្បីលក់ផ្ទះងាយជាងមុន ហើយបានថ្លៃជាងមុន។
គួររម្លឹកផងដែរថា Hyoyeon បានទិញផ្ទះនេះក្នុងតម្លៃ ១,២ ពាន់លានវ៉ុន (១លានដុល្លារ) កាលពីឆ្នាំ ២០១២។
បច្ចុប្បន្ននាងបានដាក់លក់ ក្នុងតម្លៃថ្លៃ ទ្វេដងពីតម្លៃដើម បន្ទាប់ពីកម្មវិធីទូរទស្សន៍បានចាក់ផ្សាយពីផ្ទះនេះ៕
ទស្សនារូបភាពខាងក្រោម ៖