បរទេស៖ វីរបុរសជម្រើសជាតិប្រេស៊ីល លោក Ronaldo Nazario បានសរសើអតីតម្ចាស់អាវលេខ៧ របស់ក្រុមបិសាចក្រហម Manchester United លោក David Beckham ថាជាខ្សែបម្រើឆ្នើមបំផុតម្នាក់ លើពិភពលោក។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សRonaldo និង Beckham ធ្លាប់ជាមិត្តរួមក្រុមនឹងគ្នា កាលពីអ្នកទាំងពីលេងឲ្យក្លិបអធិរាជស Real Madrid ។ អតីតជម្រើសជាតិអង់គ្លេសបានផ្លាស់ពី Man UTD ទៅលេងឲ្យក្លិបយក្សអេស្ប៉ាញ ក្នុងឆ្នាំ២០០៣។
Beckham បានចំណាយពេល៤ឆ្នាំ នៅកីឡដ្ឋាន Santiago Bernabeu មុនពេលផ្លាស់ទៅក្រុម LA Galaxy។ កំឡុងពេលនោះ លោក និង Ronaldo បានជួយ Real Madrid លើកពានក្នុងស្រុកចំនួន២រួមមាន ពាន La Liga និងពាន Spanish Super Cup។
យ៉ាងណាមិញ កាលពីពេលថ្មីៗ គេបានឃើញ Ronaldo និង Beckham នៅតែមានទំនាក់ទំនង ស្អិតរមួតនឹងគ្នាដដែល ដោយអតីតម្ចាស់អាវលេខ១០ជម្រើសជាតិប្រេស៊ីល បានធ្វើការឡាយវីដេអូនៅលើបណ្ដាញសង្គម Instagram និយាយគ្នាផ្ទាល់ជាមួយនឹងម្ចាស់ក្លិប Inter Miami លោក Beckam។
កំឡុងពេលនិយាយក្នុងការឡាយ លោក Ronaldo បានលើកសរសើរពីសម្ថភាពរបស់អតីតមិត្តរួមក្រុមរបស់លោក យ៉ាងដូច្នេះថា៖
សម្លាញ់ អ្នកពិតជាអស្ចារ្យណាស់។ សម្រាប់ខ្ញុំ អ្នកជាកីឡាករដ៏ឆ្នើមបំផុតម្នាក់នៅតំបន់កណ្ដាល។ របៀបនៃការទប់បាល់របស់អ្នក របៀបនៃការបញ្ជូនរបស់អ្នក ចង់ឲ្យទៅណាក៏បាន ហើយមិនបាច់សម្លឹងមើលខ្ញុំទៀត វាពិតជាអស្ចារ្យ។ ខ្ញុំពិតជាអរគុណនូវគ្រាប់បាល់ជាច្រើនដែលអ្នកបានបញ្ជូនឲ្យខ្ញុំនៅពេលនោះ៕
ប្រភព៖ AF
Bong I.T