ភ្នំពេញ៖ ជំងឺកូវីដ១៩ ជាជំងឺឆ្លងដ៏សាហាវបំផុត ដែលធ្វើឲ្យបណ្តាប្រទេសធំៗ កំពុងតែជួបទុក្ខលំបាកយ៉ាងខ្លាំង ដើម្បីទប់ស្កាត់ ក្នុងការរីករាលដាល ខណៈអ្នកជំងឺ ក៏កាន់តែច្រើនទៅ រហូតមានអ្នកស្លាប់ជាបន្តបន្ទាប់ផងដែរ។ រហូតមានការដាក់បញ្ជាយ៉ាងខ្លាំងបំផុត ដើម្បីឲ្យប្រជាពលរដ្ឋ នៅតែក្នុងគេហដ្ឋានរបស់ពួកគេ តែប៉ុណ្ណោះ មិនអនុញ្ញាត ឲ្យចេញទៅក្រៅ ដាច់ខាត។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្តែង នៅក្នុងប្រទេសកម្ពុជា កាលពីល្ងាចមិញ ក៏មានការដាក់បញ្ជាយ៉ាងកំហិត ទៅលើការធ្វើដំណើរ នៅក្នុងប្រទេស មិនឲ្យចេញចូល ពីខេត្តមួយ ទៅកាន់ខេត្តមួយ ដើម្បីទប់ស្កាត់ក្នុងការរីករាលត្បាត ពាក់ព័ន្ធនឹង ជំងឺកូវីដ១៩ ដែលបទបញ្ជាយ៉ាងកំហិត ចាប់ផ្តើម អនុវត្ត ពីម៉ោង ២៤:០០ ថ្ងៃទី៩ ខែមេសា ឆ្នាំ២០២០ ទៅដល់ ម៉ោង២៤: ០០ ថ្ងៃទី ១៦ ខែមេសា ឆ្នាំ២០២០។
ជាមួយគ្នានោះដែរ សមត្ថកិច្ច គ្រប់ខេត្ត គ្រប់តំបន់ បានអនុវត្តបទបញ្ជាមួយនេះ យ៉ាងមុតមាំ ដោយត្រួតពិនិត្យ លើការធ្វើដំណើរ តាមច្រកចេញចូលធំៗ ដើម្បីការពារ សុខភាព របស់ប្រជាពលរដ្ឋទាំងមូល ដើម្បីកុំឲ្យ ជំងឺកូវីត១៩ សាយភាយរឹតតែខ្លាំង។ ប៉ុន្តែក្នុងនោះ ក៏មានផលវិបាកមួយចំនួន អំឡុង សមត្ថកិច្ច បំពេញកាតព្វកិច្ចមួយនេះ ដោយសារតែ មនុស្សមួយចំនួន មិនស្តាប់ហេតុផល និងមិនព្យាយាមបកក្រោយ ត្រឡប់ទៅកន្លែងចាស់របស់ពួកគេនោះទេ។
យ៉ាងណាមិញ សមត្ថកិច្ច ក៏សូមចិត្តប្រជាពលរដ្ឋ មានការយោគយល់ ក្នុងស្ថានការមួយនេះ ដោយការដែលពួកគាត់ ធ្វើបែបនេះ ក៏ដើម្បីអ្នកទាំងអស់គ្នា ក្នុងការការពារនូវជំងឺកូវីដ១៩ រាតត្បាត កាន់តែខ្លាំង។ ហើយតាំងពីយប់ មកទល់ពេលព្រឹកនេះ សមត្ថកិច្ច តាមតំបន់នានា មិនបានសម្រាក មិនបានជួបជុំ ក្រុមគ្រួសាររបស់ពួកគាត់ទេ ក៏ព្រោះគ្រប់យ៉ាង ពួកគាត់ធ្វើដើម្បី ប្រជាពលរដ្ឋតែប៉ុណ្ណោះ៕
រូបភាពពីបណ្តាញសង្គម ហ្វេសប៊ុក៖