ចូលដល់ខែចែត្រ អាកាសធាតុចាប់ផ្តើមក្តៅខ្លាំង ពេលខ្លះអាចហក់ឡើងក្បែរ ៤០អង្សារសេ អ៊ីចឹងយើងចាំបាច់ត្រូវថែទាំសុខភាពឲ្យបានល្អទាំងអស់គ្នា។ ខាងក្រោមនេះជាប្រការគួរធ្វើ និងមិនគួរធ្វើអំឡុងអាកាសធាតុក្តៅខ្លាំង ណែនាំដោយក្រសួងសុខាភិបាលនាពេលកន្លងមក។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស១. ប្រការគួរធ្វើ
មិនក្មេង ឬមនុស្សចាស់នោះទេ យើងចាំបាច់ថែទាំសុខភាពនារដូវក្តៅឲ្យបានល្អ តាមរយៈការអនុវត្តនូវវិធានការងាយៗខាងក្រោមនេះ។
– កាត់បន្ថយការប៉ះនឹងកម្តៅព្រះអាទិត្យពេលថ្ងៃ ដោយជ្រកក្រោមម្លប់ឲ្យបានច្រើន
– ស្លៀកសម្លៀកបំពាក់រលុង សាច់ស្តើងៗ ហើយពណ៌ស្រាលៗ
– ងូតទឹកត្រជាក់ ឬទឹកធម្មតាឲ្យបានញឹកញាប់
– ផឹកទឹកស្អាតឲ្យបានច្រើនជាងពេលធម្មតា មិនត្រូវរង់ចាំដល់ពេលស្រេកនោះទេ
– ត្រូវមានអនាម័យជាប់ជានិច្ច ដោយលាងដៃនឹងសាប៊ូ
– លាបឡេការពារកម្តៅថ្ងៃ ប្រើឆ័ត្រ ពាក់មួក និងវ៉ែនតាពេលចេញក្រៅ។
២. ប្រការមិនគួរធ្វើ
ក្រៅពីយើងព្យាយាមធ្វើនូវប៉ុន្មានរឿងខាងលើ ក៏នៅមានប្រការគួរចៀសវាងមួយចំនួនខាងក្រោមដែរ នោះទើបមិនមានបញ្ហាចោទចំពោះសុខភាព ទោះបីអាកាសក្តៅយ៉ាងណាក៏ដោយ។
– ចៀសវាងនៅក្រោមថ្ងៃផ្ទាល់
– កុំផឹកគ្រឿងស្រវឹង និងភេសជ្ជៈដែលមានកំហាប់ជាតិស្ករខ្ពស់
– ចៀសវាងអាហារក្តៅៗ ឬញ៉ាំអាហារច្រើនហួសកម្រិត
– កុំញ៉ាំភេសជ្ជៈត្រជាក់ខ្លាំង បណ្តាលឲ្យរមូលក្រពះ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet
Bong I.T