ព្រោះកូវីដ១៩អត់ការងារសិល្បៈ​ តារាថៃល្បីៗ ងាកទៅរករបរ​កំប៉ិកកំប៉ុកតាមដងផ្លូវ មិនគួរឲ្យជឿ

ថៃ៖ ដោយសារតែ ការរីករាលដាលនៃវីរុស Covid-19 បានធ្វើឲ្យមនុស្សជាច្រើន ត្រូវនៅផ្ទះ ដើម្បីទប់ស្កាត់ជំងឺនេះ ជាពិសេស បានធ្វើឲ្យមានផលប៉ះពាល់ ដល់ការងាររបស់ពួកគេ ដោយបានធ្វើឲ្យពួកគេ បាត់បង់ចំណូលយ៉ាងខ្លាំង ម៉្យាងវិញទៀត សូម្បីតែអ្នកនៅក្នុង ឧស្សាហកម្មកម្សាន្តមួយចំនួន ក៏បានទទួលរងនូវផលប៉ះពាល់នេះផងដែរ ។  

ដូច្នេះហើយ ក្នុងអំឡុងពេលនេះ ក៏មានតារាល្បីមួយចំនួន​ បានស្វែងរក សកម្មភាពជាច្រើន មកធ្វើដើម្បីបំបាត់ភាពឯកាដែលមាន ដូចជាដាំបន្លែ ចម្អិនអាហារ ផងដែរ ដែលវាបានក្លាយជាឱកាសល្អ ដែលពួកគេ អាចបង្កើតមុខរបរថ្មីដើម្បីរកប្រាក់ចំណូលបន្ថែម ទៀតផង ។

បើចង់ជ្រាបច្បាស់ថា ពួកគេជា អ្នកណាខ្លះ សូមទស្សនារូបភាពខាងក្រោម៖

១៖ Art Pasut ជាតារាសម្ដែងប្រុសស្រស់សង្ហា ដែលទទួលបានការគាំទ្រពីហ្វេនៗជាច្រើន  ដែលមានទឹកចិត្តដ៏ល្អ ស្ម័គ្រចិត្តជួយសង្គម ជាច្រើន ម៉្យាងវិញទៀត ខណៈពេលទំនេរបែបនេះ លោក បានបង្កើតមុខរបរថ្មី ដោយបានលក់សាច់ជ្រូកចៀនដែលលោក បានធ្វើដោយដៃផ្ទាល់ ផងដែរ។  

២៖ Fukking Hero ជាតារារ៉េបដ៏ល្បី ដែលឥឡូវនេះ លោកបានប្រែខ្លួនជា អ្នកលក់សាច់ជ្រូកអាំង ដែលជាអាជីពបន្ថែម ដើម្បីរកប្រាក់ចំណូល ក្រោយពីត្រូវ ផ្អាកការងារសិល្បៈ ។

៣៖ Pinky Savika ជាតារាសម្តែងដ៏ល្បីឈ្មោះ ដែលបានប្រែក្លាយ ជាអ្នកជំនួញតាមអនឡាញ ដោយបានជួយយ៉ាងពេញទំហឹង ទៅដល់អាជីវកម្មក្នុងគ្រួសារ ដោយបានលក់នំរ៉ូទី ព្រមទាំងមានអ្នកគាំទ្រយ៉ាងខ្លាំង និងសរសើរថា ឆ្ងាញ់គ្រប់ៗគ្នា។

៤៖ Baifern Passakorn សម្រាប់តារាស្រីរូបនេះ វិញ នៅក្នុងពេលវេលា សម្រាកលំហែនៅផ្ទះ នាងចង់ធ្វើអ្វីដែលមានប្រយោជន៏ ដោយបាន ធ្វើនំដុត សម្រាប់លក់ដែលអាចរកចំណូលបន្ថែម បានមួយកម្រិតទៀតផងដែរ។