ស្អាតឡើងដូចឋានសួគ៌ា! សួនច្បារនៅផ្ទះ ទៀងមុំ សុធាវី ធំស្អាត អមពណ៌ផ្កាចម្រុះ (មានវីដេអូ)

បារាំង៖ ក្រោយពីរៀបការរួចមក តារាស្រីល្បីឈ្មោះ អ្នកនាង ទៀងមុំ សុធាវី បានសម្រេចចិត្តទៅរស់នៅប្រទេសបារាំង ជាមួយស្វាមី ដែលនាង និងស្វាមីមើលទៅពិតជាមានសុភមង្គលខ្លាំងឡើងគួរឲ្យសរសើរ។

លើសពីនេះ អ្នកនាងក៏តែងតែបង្ហាញពីសកម្មភាព នៃការរស់នៅបច្ចុប្បន្នឲ្យហ្វេនៗបានឃើញជានិច្ច ដោយតារាស្រីរូបនេះកំពុងកសាងជីវិតគ្រួសារជាមួយស្វាមី នៅលើទឹកដីប្រទេសបារាំង ហើយអ្នកទាំងពីរកាន់តែផ្អែមល្ហែម និង​យល់ចិត្តគ្នាកាន់តែខ្លាំងឡើង។

តួយ៉ាង ប៉ុន្មាននាទីមុននេះ អ្នកនាង ទៀងមុំ សុធាវី បានបង្ហោះរូបភាពសួនច្បាររបស់នាង មើលទៅពិតជាស្រស់ស្អាត ជាពិសេសមានផ្កាជាច្រើនចម្រុះពណ៌តែម្ដង ចំណែកទីធ្លាវិញពិតជាធំទូលាយ និង មានបរិយាកាសល្អគួរឲ្យចង់រស់នៅ។

បន្ទាប់ពីបានឃើញ នាងបង្ហោះរូបភាព ពីទិដ្ឋភាពសួនច្បាររួច មានហ្វេនជាច្រើន បានសរសើរពីទិដ្ឋភាពនៃការរៀបចំសួនច្បារនាង ថាពិតជាស្រស់ស្អាត ជាពិសេសមានផ្កាគ្រប់ពណ៌តែម្ដង៕

សូមទស្សនារូបភាព និង វីដេអូ ខាងក្រោម៖