អេស្ប៉ាញ៖ គោលដៅនាំចូលរបស់ក្លិបកាំភ្លើងធំ Arsenal កីឡាករ Pau Torres បាននឹងកំពុងតែរៀនភាសាអង់គ្លេស ក្រោយក្លិបមានមូលដ្ឋាននៅទីក្រុងឡុងដ៍ស៊ើបសួរ Santio Cazorla អំពីរូបគេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សខ្សែការពារវ័យ២៣ឆ្នាំ Torres បានបង្ហាញទម្រង់លេងយ៉ាងលេចធ្លោឲ្យ Villarreal នៅរដូវកាលនេះ ក្រោយត្រឡប់មកពីចូលរួមជាមួយ Malaga ក្រោមកិច្ចសន្យាខ្ចីជើង កាលពីដើមរដូវកាលកន្លងទៅ។ តាមពិតទៅ Arsenal បានចាប់អារម្មណ៍ជម្រើសជាតិអេស្ប៉ាញតាំងពីទីផ្សារខែមករាមកម្ល៉េះ ពោលគឺមុនឈានដល់កិច្ចព្រមព្រៀងខ្ចីជើងកីឡាករ Pablo Mari ពីក្លិបប្រេស៊ីល Flamengo ទៅទៀត។
Torres បានបើកភ្លើងខៀវក្នុងការផ្លាស់មកកាន់ក្របខណ្ឌ Premier League ក្រោយចាប់ផ្ដើមរៀនភាសាអង់គ្លេស ស្របពេលដែលលីគកំពូលអេស្ប៉ាញសំរាកដោយសារកូវីដ១៩ ខណៈតម្លៃនៃការទិញផ្ដាច់កុងត្រារបស់គេគឺប្រមាណជា ៤៣លានផោន។
Torres បានបង្កភាពភ្ញា់ផ្អើលយ៉ាងខ្លាំងកាលពីដើមរដូវកាលកន្លងទៅ ដោយត្រូវបានកោះហៅចូលក្រុមជម្រើសជាតិឈុតធំអេស្ប៉ាញ និងបានជំនួសតំណែងលេងរបស់សិស្សច្បង Sergio Ramos ក្នុងការប្រកួតដែលអេស្ប៉ាញយកឈ្នះម៉ាល់តា ដោយលទ្ធផល ៧ទល់នឹង០ ថែមទៀត។
គួរឲ្យដឹងដែរថា នៅក្នុងរដូវកាលនេះ Pau Torres ចូលលេងឲ្យ Villarreal គ្រប់ព្រឹត្តិការណ៍ទាំងអស់បាន២៦ប្រកួត រកបានគ្រាប់បាល់១គ្រាប់ និងបញ្ជូនបាល់ឲ្យមិត្តរួមក្រុមបញ្ចប់ទីបានសម្រេច២លើក ក្នុងនាមជាខ្សែការពារកណ្ដាល៕
ប្រភព៖ TheSun