អាមេរិក៖ ចំនួនអ្នកស្លាប់ដោយសារវីរុសកូរ៉ូណា នៅសហរដ្ឋអាមេរិក បានកើនឡើងដល់ចំនួនសរុប ១២,៧២២ នាក់ កាលពីល្ងាចថ្ងៃអង្គារម្សិលមិញនេះ ដោយមានការកើនឡើងចំនួនអ្នកស្លាប់ក្នុងមួយថ្ងៃ ១,៧៣៦ នាក់។ ចំនួននេះគឺជាចំនួនតួលេខដ៏ច្រើនបំផុត ដែលត្រូវបានកត់ត្រាក្នុងរយៈពេលមួយថ្ងៃ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមទិន្នន័យដែលផ្ដល់ដោយ សាកលវិទ្យាល័យ Johns Hopkins University បានឲ្យដឹងថា កំណត់ត្រាកាលពីមុនសម្រាប់អ្នកស្លាប់ដោយសារជំងឺកូវីដ-១៩ ក្នុងរយៈពេលមួយថ្ងៃ គឺមានចំនួន ១,៣៤៤ នាក់ នៅក្នុងប្រទេសអាមេរិក។ ចំនួននោះបានកើតឡើង នៅថ្ងៃទី៤ ខែមេសា។
ចំនួនករណីខាងលើនេះរាប់បញ្ចូលទាំងករណីមកពីរដ្ឋទាំង ៥០ រួមមានរដ្ឋធានីវ៉ាស៊ីនតោន និងទឹកដីអាមេរិកផ្សេងទៀត ក៏ដូចជាករណីដែលកើតមាន ពេលប្រជាជនធ្វើដំណើរត្រឡប់ចូលមកក្នុងប្រទេសវិញផងដែរ។
យ៉ាងណាមិញ គិតមកត្រឹមពេលនេះ រដ្ឋ Wyoming នៅមិនទាន់ត្រូវបានគេរាយការណ៍ អំពីករណីស្លាប់ដោយជំងឺកូវីដ-១៩នេះ នៅឡើយទេ៕