ឆន សុវណ្ណរាជ ត្រូវគេលាន់មាត់ថា ជាតារាប្រុសខ្មែរ ដែលលេងគ្រឿងពេជ្រ មិនណយ

ភ្នំពេញ៖ បើគិតមកទល់ពេលនេះដែរ តារាចម្រៀងប្រុស ឆន សុវណ្ណរាជ បានឈរក្នុងវិស័យសិល្បៈ មិនក្រោម១០ឆ្នាំទេ ដែលរូបលោក បានសាងកេរ្តិ៍ឈ្មោះម្តងបន្តិចៗ រហូតមានគេស្គាល់រឹតតែខ្លាំង ហើយនៅពេល លោក បានជ្រកកោន ផលិតកម្មហង្សមាសទៀតនោះ កាន់តែមានភាពល្បីល្បាញ រឹតតែខ្លាំងទៅ។

ដោយសារតែភាពល្បីល្បាញ ពីមួយថ្ងៃទៅមួយថ្ងៃនេះហើយ បានធ្វើឲ្យចំណូលចូលផ្ទះ ក៏កើនឡើងជារឿយៗ រហូតអាចឲ្យតារាប្រុសរូបនេះ មានសមត្ថភាព ក្នុងការទិញឡាន និងវីឡាស្កឹមស្កៃ និង ផ្ទះលំហែកាយ នៅខេត្ត ឲ្យគ្រួសាររស់នៅយ៉ាងរំភើយបាន។

អ្វីដែលរឹតតែពិសេស ឆន សុវណ្ណរាជ​ក៏ត្រូវគេ ដាក់ងារថា តារាលេងម៉ូតគ្រឿងពេជ្រ មិនចាញ់គេប៉ុន្មានទេ ដោយលោកតែងតែដូរម៉ូតគ្រឿងអលង្ការរបស់លោក ដូចជា ខោអាវយ៉ាងដូច្នោះដែរ ដោយពេលចូលរួមកម្មវិធីនានា លោកមិនដែលពាក់ជាន់គ្នាម្តងណាឡើយ។ មិនតែប៉ុណ្ណោះ ភាគច្រើន គ្រឿងពេជ្ររបស់ តារាប្រុសរូបនេះ តែងតែរំលេចនូវឈ្មោះ អក្សរ R ឬដាក់ថា Reach ដែលជាឈ្មោះរបស់លោកផ្ទាល់ផងដែរ ដោយសារតែ លោកចូលចិត្ត បង្ហាញនូវអក្សរតំណាងឈ្មោះលោក ឲ្យគ្រប់គ្នាបានឃើញ។ ហើយបើនិយាយពីតម្លៃនៃគ្រឿងអលង្ការ នីមួយៗ សុទ្ធតែមានតម្លៃថ្លៃៗ មិនណយនោះទេ ដែលធ្វើឲ្យគ្រប់គ្នា បើកភ្នែកធំៗ ខណៈ ហាងពេជ្រមួយកន្លែង ក៏បានបញ្ជាក់តម្លៃយ៉ាងច្បាស់ផងដែរ នៅក្នុងបណ្តាញសង្គម៕

តោះមើលគ្រឿងអលង្ការរបស់លោកទាំងអស់គ្នា៖