ភ្នំពេញ៖ ការរីករាលដាលនៃវីរុសកូវីដ១៩ បានធ្វើឲ្យប្រជាជនកម្ពុជាភាគច្រើនសម្ងំនៅក្នុងផ្ទះ សូម្បីតែតារាសិល្បៈមួយចំនួនធំ ក៏ត្រូវផ្អាកការងាររបស់ខ្លួនមួយរយៈពេល រហូតដល់ស្ថានភាពនៃការចម្លងរបស់វីរុសមួយបានធូរស្រាលទៅវិញ។ អាស្រ័យហេតុនេះ ទើបគេសង្កេតឃើញ តារាខ្មែរយើងមានពេលទំនេរច្រើនជាងមុន ហើយជារឿយៗ ពួកគេបាននាំគ្នាធ្វើរឿងសប្បាយៗមួយចំនួន ដូចជាការរៀនធ្វើម្ហូប រួចបង្ហោះវីដេអូបង្អួតអ្នកគាំទ្រ និងការលេងកម្មវិធី Tiktok ជាដើម។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយឡែក សម្រាប់តារាសម្ដែងដ៏មានប្រជាប្រិយភាព អ្នកនាង គង់ ចាន់ស្រីមុំ វិញ មិនបានធ្វើម្ហូបបង្អួតអ្នកគាំទ្រដូចគេឡើយ តែតារាស្រីកូនមួយរូបនេះ បែរជានាំស្វាមីរបស់ខ្លួនធ្វើការសម្អាតផ្ទះសម្បែងអស់រយៈពេល៣ថ្ងៃមកហើយ ក៏ដូចជាបានទៅផ្សារទំនើបដើម្បីទិញសម្ភារៈសម្អាតផ្ទះបន្ថែម និងបានបង្ហោះរូបភាពនៅលើគណនី Instagram ដើម្បីបង្ហាញឲ្យអ្នកគាំទ្រឃើញថា ខ្លួន និងស្វាមី ពិតជាឧស្សាហ៍ព្យាយាមយ៉ាងណា។ មិនត្រឹមតែប៉ុណ្ណោះ អ្នកទាំងពីរក៏បានរៀបចំធ្វើកន្លែងក្មេងលេងឲ្យកូនស្រីដ៏គួរឲ្យស្រឡាញ់របស់ខ្លួន នៅក្នុងផ្ទះថែមទៀត។
ជាចុងក្រោយ អ្នកទាំងពីរក៏មិនភ្លេចថតវីដេអូនៃការរាំជាលក្ខណៈគ្រួសារ នៅក្នុងកម្មវិធី Tiktok មិនខុសគ្នាពីតារាផ្សេងទៀតនោះដែរ៕
សូមទស្សនារូបភាព និង វីដេអូខាងក្រោម៖
Bong I.T