ថៃ៖ គណនី Instagram មួយដែលមានឈ្មោះថា up2youha បានបង្ហោះរូបភាពចំនួនបីសន្លឹក ដែលគណនីនេះទទួលបានពីម្ចាស់ផ្ទះឈ្មោះ Jitsiraphan Js នៅប្រទេសថៃ ទាក់ទងនឹងអ្នកដឹក ជញ្ចូនអ៊ីវ៉ាន់ម្នាក់ របស់ក្រុមហ៊ុន Grab ដែលបានធ្វើបែបនេះ ដាក់កូនតូចរបស់ខ្លួន នៅពេលដែលដឹកជញ្ជូនអ៊ីវ៉ាន់មកផ្ទះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងនោះ ស្ត្រីជាម្ចាស់ផ្ទះខាងលើ បានរៀបរាប់ថា ខ្លួនបានទំនាក់ទំនងទិញអ៊ីវ៉ាន់តាមរយៈសេវាកម្មដឹកជញ្ជូនរបស់ក្រុមហ៊ុន Grab ដោយសារមួយរយៈចុងក្រោយនេះ ការចេញពីផ្ទះទៅខាងក្រៅមានលក្ខណៈពិបាក ដោយសារការរីករាលដាលនៃវីរុសកូវីដ-១៩។ នៅខណៈពេលដែល អ្នកដឹកជញ្ជូនបានមកដល់មុខផ្ទះ ចាស់ៗកំពុងរវល់ជាប់ដៃនៅខាងក្នុងផ្ទះអស់ ហើយនៅកូនតូចរបស់គាត់ក៏បានរត់វឹង ហើយឡើងលើរបងផ្ទះ ដើម្បីទទួលអ្នកដឹកជញ្ជូន។
ឃើញបែបនេះ បុរសជាអ្នកដឹកជញ្ជូនរូបនោះ បានប្រាប់ឲ្យកូនក្មេងចុះពីលើរបង ហើយថែមទាំងចាក់ជែលឲ្យលាងដៃថែមទៀត។ ស្ត្រីជាម្ចាស់ផ្ទះបានបង្ហាញអារម្មណ៍ថា គាត់ពេញចិត្តនឹងអ្នកបើកបរម្នាក់នេះណាស់ បើទោះបីវាជារឿងតិចតួចក៏ដោយ។ សូម្បីតែអ្នកលេងអ៊ិនធឺណែតជាច្រើន ក៏បានចូលទៅខមមិន កោតសរសើរ និងពេញចិត្ត ចំពោះទឹកចិត្តដ៏ល្អរបស់អ្នកបើកបររបស់ Grab ម្នាក់នេះដែរ បើទោះបីវាជារឿងតូចមួយក៏ដោយ៕