រុស្ស៊ី៖ ខ្សែប្រយុទ្ធពោរពេញដោយបទពិសោធន៍ Artem Dzyuba បានប្រាប់ទៅកាន់ក្លិបយក្សអេស្ប៉ាញ Real Madrid ឲ្យទិញយករូបគេនៅទីផ្សារដោះដូរកីឡាកររដូវក្ដៅខាងមុខ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកិច្ចសន្យារបស់ខ្សែប្រយុទ្ធវ័យ៣១ឆ្នាំ និងក្លិប Zenit St Petersburg នឹងផុតកំណត់នៅខែមិថុនាខាងមុខនេះ ដូច្នេះមានន័យថា គេអាចចាកចេញដោយមិនមានតម្លៃខ្លួនមុនពេលដែលរដូវកាល ២០២០-២១ ត្រូវចាប់ផ្ដើម។
បណ្ដាក្លិបជាច្រើននៅអាល្លឺម៉ង់ អង់គ្លេស និងអ៊ីតាលី សុទ្ធតែបង្ហាញចំណាប់អារម្មណ៍ចង់បានមកលើ Dzyuba ប៉ុន្តែខ្សែប្រយុទ្ធជម្រើសជាតិរុស្ស៊ីរូបនេះបានឲ្យដឹងថាគេនឹងជ្រើសទៅចូលរួមជាមួយ Real Madrid តែប៉ុណ្ណោះ។
និយាយនៅក្នុងការផ្សាយបន្តផ្ទាល់តាមរយៈបណ្ដាញសង្គម Instagram កីឡាករ Dzyuba បានឲ្យដឹងថា៖
គួរឲ្យដឹងដែរថា ខ្សែប្រយុទ្ធ Dzyuba បង្ហាញទម្រង់លេងយ៉ាងលេចធ្លោជាមួយ Zenit សម្រាប់រដូវកាលនេះ ដោយអាចរកបានគ្រាប់បាល់១៥គ្រាប់ បញ្ជូនបាល់ឲ្យមិត្តរួមក្រុមបញ្ចប់ទីបានសម្រេច១២លើក ពីការចូលលេង២៨ប្រកួត។
មិនត្រឹមតែប៉ុណ្ណោះ Dzyuba ធ្លាប់បង្ហាញខ្លួនឲ្យក្រុមបាល់ទាត់ជម្រើសជាតិរុស្ស៊ីបាន៤២ប្រកួត និងរកគ្រាប់បាល់បាន២៤គ្រាប់ ក្នុងនាមជាខ្សែប្រយុទ្ធ៕
ប្រភព៖ SportsMole