ក្រោយចេញរោគសញ្ញាបែបនេះ Dynamo ទៅធ្វើតេស្ត ទើបដឹងថា ខ្លួនឆ្លងជំងឺCovid-19

បរទេស៖ អ្នកណាដែលមិនស្គាល់ កំពូលអ្នកលេងសៀកឆ្ពិនភ្នែកដ៏ល្បីបំផុតរបស់ចក្រភពអង់គ្លេស ដែលគាត់មានឈ្មោះដែលគេនិយមហៅថា Dynamo។

ជាការពិតណាស់ កំពូលអ្នកលេងសៀករូបនេះ គឺមានភាពបុិនប្រសព្ធក្នុងការលេងសៀកឆ្ពិនភ្នែកប្លែកៗ ដែលមើលទៅគឺពិតជាមានភាពអស្ចារ្យមែនទែន ហាក់ដូចជាគាត់មានវេទមន្តពិតប្រាកដអញ្ចឺង ដោយហេតុនេះទើបបានជាមានអ្នកគាំទ្រជាច្រើនគោរពស្រលាញ់ និងចូលចិត្តតារារូបនេះជាច្រើនផងដែរ។

ជាក់ស្តែងថ្មីៗ តារាសម្តែងសៀក Dynamo ប្រកាសជាសាធារណៈថាខ្លួនបានឆ្លងវីរុសជំងឺCovid-19 ក្រោយពីបានធ្វើតេស្តវិជ្ជមាន ដោយមានអាការៈក្អក និងឈឺចាប់ជុំវិញដងខ្លួនទាំងមូលតែម្តង ដែលរោគសញ្ញានេះមានរយៈពេលរហូតដល់ទៅ២អាទិត្យ។

ទោះបីជាតារាដែលមានអាយុ៣៧ឆ្នាំរូបនេះ បានឆ្លងជំងឺCovid-19ពិតប្រាកដមែន ក៏គាត់បានផ្តាំផ្ញើទៅកាន់អ្នកគាំទ្រទោះបីជាខ្ញុំបានធូរស្រាលក៏ពិតមែនក៏ដោយ សូមកុំមើលស្រាលនឹងវីរុសនេះឲ្យសោះ វាមិនជារឿងធម្មតាដែលអ្នកមិនអាចមិនខ្វល់បានទេ ដូច្នេះប្រសិនជាអ្នកចង់ជួយខ្លួនអ្នកនឹង មនុស្សដទៃទៀត គប្បីសំរាកនៅក្នុងផ្ទះកុំចេញក្រៅផ្ទះជាដាច់ខាត៕

សូមចូលមើលរូបភាពខាងក្រោម៖