យើងដឹងហើយថាការផឹកទឹកគ្រប់គ្រាន់មានសារៈសំខាន់ណាស់ចំពោះសុខភាព ប៉ុន្តែមនុស្សមួយចំនួនមិនច្បាស់ថាគួរផឹកទឹកប៉ុន្មានទើបគ្រប់គ្រាន់។ ជាពិសេសពេលនៅផ្ទះពេញមួយថ្ងៃៗកាន់តែមានការលំបាកក្នុងការផឹកទឹកឲ្យបានច្រើន។ អ្នកជំនាញផ្នែកសុខភាពលោកស្រី Brianne Munch បានប្រាប់ពីគន្លឹះខ្លះៗក្នុងការផឹកទឹកឲ្យបានគ្រប់គ្រាន់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស១. គណនាបរិមាណទឹកត្រូវផឹក
វិធីងាយស្រួលក្នុងការគណនាបរិមាណទឹកត្រូវផឹកគឺយកទម្ងន់របស់យើងទៅចែកនឹង២ នោះនឹងឃើញពីបរិមាណទឹកដែលគួរផឹក។
ឧទាហរណ៍ ប្រសិនជាយើងទម្ងន់ ១៤០ផោន (៦៣,៥០គីឡូក្រាម) នោះបរិមាណទឹកគួរផឹកក្នុងមួយថ្ងៃគឺ ៧០អោន (២លីត្រ)។ ដោយទម្ងន់១ផោនស្មើនឹង០,៤៥គីឡូក្រាម និង១អោន ប្រហែលស្មើនឹង៣០មីល្លិលីត្រ។
២. ផឹកទឹកមួយកែវធំនៅពេលព្រឹក
យើងដឹងហើយថាគួរផឹកទឹកប៉ុន្មានលីត្រក្នុងមួយថ្ងៃ ដូចនេះគួរចាប់ផ្ដើមដោយផឹកទឹកមួយកែវធំមុននឹងផឹកកាហ្វេ ឬញ៉ាំអាហារពេលព្រឹក។ អ្នកជំនាញផ្នែកសុខភាពក៏បានលើកឡើងថានេះអាចជួយដល់ការរំលាយអាហារ បំពេញជាតិទឹក និងធ្វើឲ្យមានស្មារតីស្រស់ថ្លា។
៣. ផឹកទឹកជាបន្តបន្ទាប់ពេញមួយថ្ងៃ
ការផឹកទឹកមួយកែវនៅពេលព្រឹកមិនត្រឹមតែជួយដាស់ស្មារតីទេ ប៉ុន្តែការបន្តផឹកទឹកពេញមួយថ្ងៃអាចផ្តល់ថាមពលពេញមួយថ្ងៃ។ លោកស្រី Munch ក៏បានសង្កេតឃើញថានៅពេលបន្តការផឹកទឹកពេញមួយថ្ងៃមិនត្រឹមតែជួយឲ្យមានថាមពល ហើយអារម្មណ៍ក៏ល្អ និងមិនហើមពោះទៀត។ ម៉្យាងទៀត អតិថិជនរបស់លោកស្រីក៏អនុវត្តវិធីនេះដែរហើយឃើញថាថាមពលរបស់អ្នទាំងនោះមានភាពប្រសើរឡើង។
៤. ដាក់កែវទឹក ឬដបទឹកក្បែរខ្លួន
អ្នកជំនាញផ្នែកអាហារ និងសារធាតុចិញ្ចឹម Katie Boyd បានណែនាំថាយើងគួររកកែវ ឬដបទឹកដើម្បីធ្វើឲ្យការផឹកទឹកមានភាពងាយស្រួល។ យើងអាចប្រើកែវ ឬដបដែលយើងចូលចិត្តដើម្បីដាក់ទឹកទុកញ៉ាំក្បែរខ្លួន។
៥. ញ៉ាំបន្លែ ឬផ្លែឈើ
ការផឹកទឹកមិនមែនជាវិធីតែមួយក្នុងការបំពេញជាតិទឹកឲ្យរាងកាយទេ។ យើងអាចញ៉ាំអាហារដែលសំបូរដោយជាតិទឹកដើម្បីជួយបំពេញជាតិទឹកដល់រាងកាយ។ អាហារសម្រន់ទាំងនោះរួមមានផ្លែត្រសក់ ផ្លែប៉េស ការ៉ុត ផ្លែស្ត្របឺរី និងផ្លែឱឡឹកជាដើម។
៦. ពិនិត្យមើលទឹកនោម
ឥលូវយើងដឹងពីបរិមាណទឹកគួរផឹកក្នុងមួយថ្ងៃទៅតាមទម្ងន់របស់យើងហើយ យើងក៏អាចពិនិត្យទឹកនោមដើម្បីដឹងថាយើងផឹកទឹកគ្រប់គ្រាន់ឬអត់។ វេជ្ជបណ្ឌិត Michael O’Brien ស្ថាបនិកនៃ Beacon Primary Care នៅញ៉ូយ៉កបានលើកឡើងថានៅពេលយើងផឹកទឹកគ្រប់គ្រាន់ នោះទឹកនោមមានពណ៌លឿងស្លេក។ ក្រៅពីពិនិត្យលើទឹកនោម។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet
Bong I.T