ហុងកុង៖ កាលពីពេលថ្មីៗនេះ តារាសម្តែងដ៏ល្បី របស់ហុងកុងលោកKevin Cheng បានបង្ហាញ ការខឹងសម្បារជាខ្លាំង នៅពេលដែលមនុស្សចម្លែក តាមថតរូបលោក និងគ្រួសារនៅតាមផ្លូវមិនឈប់ ខណៈពេលដែលលោក និងគ្រួសារចេញទៅទិញទំនិញ នៅក្នុងហាងមួយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបើយោងតាម ការរាយការណ៍របស់ វេបសាយQQ បានឲ្យដឹងថា កាលពីថ្ងៃទី១ ខែមីនា កន្លងទៅនេះKevin Cheng រួមទាំងភរិយា ដែលជាតារាសម្តែងដូចគ្នា គឺតារាសម្តែងស្រីGrace Chan បានយកកូនរបស់ពួកគេ ចេញទៅខាងក្រៅ ដើម្បីទិញសម្ភារៈមួយចំនួន ហើយអ្នកទាំងបី ក៏បានពាក់ម៉ាស់ដើម្បីបិទបាំង និងការពារពីមនុស្សជាច្រើននៅទីនោះ។
ក៏ប៉ុន្តែ ខណៈពេលដែលKevin Cheng កំពុងឈរចាំភរិយារបស់លោក នៅខាងក្រៅហាង ភ្លាមៗនោះ តារាប្រុសរូបនេះ ក៏ត្រូវបានមើលស្គាល់ ដោយពួកតាមប្រម៉ាញ់ ហើយពួកគេ បានព្យាយាម តាមថតរូបលោក នៅតាមផ្លូវរហូត។ ក្នុងពេលជាមួយគ្នា នោះដែរ គេឃើញថាKevin Cheng បានបង្ហាញ ការខឹងជាខ្លាំង ហើយបាននិយាយទៅកាន់ អ្នកថតនោះថា៖
ទន្ទឹមនឹងនេះដែរ យោងតាមប្រភពបានឲ្យដឹងថាKevin Cheng មិនចង់មានទំនាក់ទំនង ជាមួយនឹង បុគ្គលចម្លែកខាងក្រៅនោះទេ។ ពីព្រោះ វាធ្វើឲ្យរូបលោក មានអារម្មណ៍ថាគ្មានសុវត្ថិភាព សម្រាប់គ្រួសាររបស់លោក ខណៈពេលដែលកំពុង តែផ្ទុះជម្ងឺឆ្លង នៅពាសពេញប្រទេសផងដែរ៕