ឃើញតារាថៃនាំគ្នាបង្ហោះវីដេអូរាំ និងធ្វើម្ហូបពេញហ្នឹង Bomb Thanin ប្រកាស​ធ្វើសកម្មភាព​មួយនេះវិញ ដើម្បីឲ្យខុសពីគេ

ថៃ៖ អាចនិយាយបានថា មួយរយៈពេលនេះ គឺជាពេលវេលាដ៏ទំនេរបំផុតរបស់តារាសិល្បៈគ្រប់ៗផ្នែក មិនថាចម្រៀង បង្ហាញម៉ូត ឬភាពយន្តនោះឡើយ ដោយសារតែការរីករាលដាលនៃវីរុសកូវីដ១៩ បានផ្អាកចោលនូវសកម្មភាព​សិល្បៈ​ជាច្រើន។

សម្រាប់អ្នកនិយមតាមដានគណនី Instagram របស់តារាថៃ ប្រាកដជាបានឃើញហើយថា តារាល្បីទាំងនោះ​នាំ​គ្នាបង្ហោះវីដេអូរាំបែបកំប្លែងៗ ក៏ដូចជាការរៀនធ្វើម្ហូបថ្មីៗ ដើម្បីបំបាត់ភាពអផ្សុកក្នុងអំឡុងពេលសម្ងំនៅផ្ទះបែបនេះ។

ដោយឡែក តារាសម្ដែងរូបសង្ហា កម្ពស់១.៩០ម៉ែត្រ Bomb Thanin វិញបែរជាប្រកាសនៅលើគណនី Instagram របស់ខ្លួនបែបនេះទៅវិញ៖ មានតែអ្នករាំ និងធ្វើម្ហូប តាមពិតទៅកិច្ចការល្អមួយទៀតដែលគួរតែធ្វើ គឺការលេងតន្រ្ដី គួរតែសាកល្បងមើលទៅ។

តាមរយៈសារនេះ គេអាចសន្និដ្ឋានបានថា Bomb មិនមានចំណាប់អារម្មណ៍ក្នុងកាបង្ហោះវីដេអូរាំរែក និងធ្វើម្ហូប​ដូចតារាផ្សេង​ទៀតឡើយ ពោលគឺ Bomb ចាប់អារម្មណ៍ក្នុងការរៀនលេងតន្រ្ដីដើម្បីបំបាត់ភាពអផ្សុក​ក្នុងអំឡុង​ពេលនៃការសម្ងំខ្លួននៅផ្ទះបែបនេះ៕