អបអរសាទរ បវរកញ្ញាឯកពិភពលោកថៃ Sopida សម្រាលបានកូនប្រុសគួរឲ្យក្នាញ់ រីឯឈ្មោះពិរោះកប់

ថៃ៖ កាលពីយប់ថ្ងៃទី ០២ មេសា កន្លងទៅម្សិលមិញនេះ នាង Ningsopida ដែលជាបវរកញ្ញាឯក ពិភពលោករបស់ប្រទេសថៃ (Miss Univers Thailand 2018) បានបង្ហាញដំណឹងដ៏រីករាយមួយ នៅលើបណ្ដាញសង្គម Instagram របស់នាង ដោយអ្នកនាង សម្រាលបានកូនប្រុស ដ៏គួរឲ្យក្នាញ់ម្នាក់ជាលើកដំបូង ទុកជាចំណងដៃរវាងនាង និងស្វាមីផងដែរ។

ជាមួយគ្នានេះដែរ អ្វីដែលគេចាប់អារម្មណ៍នោះ គឺ ប៉ា ម៉ាក់វ័យក្មេងរូបនេះ បានដាក់ឈ្មោះឲ្យ​ កូនយ៉ាងពិរោះថែមទៀត ដែលកូនរបស់ពួកគេ មានឈ្មោះន័យជាភាសាអង់គ្លេសថា "The Universe" ដែលឈ្មោះនេះ ពិតជាពិរោះ ព្រមទាំងពោរពេញទៅដោយ អត្ថន័យខ្លាំងផងដែរ។

ទន្ទឹមនឹងដំណឹង ដ៏រីករាយនេះផងដែរ បន្ទាប់ពីតារាស្រីរូបនេះ បានសម្រាលកូនរួច ដោយជោគជ័យរួចមក គេឃើញថា មានបងប្អូន មិត្តភក្ដិ ជិតស្និទ្ធរបស់នាង ពិសេសបវរកញ្ញាទូទាំងពិភពលោក ដែលធ្លាប់បានចូលរួមប្រឡងក្នុងកម្មវិធីជាមួយគ្នា បានចូលមក ខមិនក្នុងគណនី Instagram ដោយចូលរួមអបអរសាទរ និងជូនពរឲ្យនាងមានសុខភាពល្អ ទាំងគ្រួសារផងដែរ៕

ទស្សនារូបភាពខាងក្រោម៖