ថៃ៖ ក្រោយការអនុវត្តនូវគោលការណ៍គម្លាតសង្គម (Social Distancing) ដើម្បីទប់ស្កាត់ការរីករាលដាលនៃវីរុសកូវីដ១៩ និងការចម្លងពីមនុស្សម្នាក់ ទៅម្នាក់ផ្សេងទៀត តារាស្រីដ៏ល្បីឈ្មោះប្រចាំស្ថានីយ៍ទូរទស្សន៍ one31 Vill Wannarot បានបង្ហាញនូវអារម្មណ៍សោកស្ដាយដែលខ្លួនមិនអាចរៀបចំធ្វើខួបកំណើតឲ្យមិត្តប្រុសជាតារារួមទ្រនំនឹងគ្នា គឺកម្លោះសង្ហា Jes Jesphipat បាន តែវាក៏មិនចោទជាបញ្ហាអ្វីធំដុំនោះឡើយ ដោយសារសុវត្ថិភាព និងសុខភាពគឺជារឿងចម្បង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សទោះបីជាយ៉ាងនេះក្តី ក៏មិនមែនបានន័យថា Vill Wannarot បំភ្លេចចោលនូវខួបកំណើតមិត្តប្រុសរបស់ខ្លួនឡើយ ពោលគឺ Vill Wannarot បានជំនួសមកវិញនូវការឆ្លងថ្ងៃកំណើតតាមរយៈការនិយាយវីដេអូខល និង បង្ហោះវីដេអូដ៏ផ្អែមល្ហែមដែលអ្នកទាំងពីរបានថតជាមួយគ្នាមុនពេលកើតមានវីរុសកូវីដ១៩ ព្រមជាមួយនឹងចំណងជើងដ៏មានន័យថា៖ HAPPY BIRTHDAY TO MY @jesjpp នៅប្រឡែងគ្នាឡើងមុខក្រៀមស្វិតអស់ហើយ ជូនពរឲ្យមានក្តីសុខច្រើនៗ ហើយនឹងនៅផ្ដល់កម្លាំងគ្រប់រឿងដូចដែលធ្លាប់ធ្វើកន្លងមក សូមឲ្យជាឆ្នាំថ្មីដែលល្អណា ដឹងស្រាប់ហើយថា ...ស្រឡាញ់។
បន្ទាប់ពីស្រីស្អាត Vill បង្ហោះបែបនេះនៅលើគណនីអ៊ិនស្តាក្រាមរបស់ខ្លួន មិត្តអ្នកសិល្បៈជាច្រើន និងអ្នកគាំទ្រក៏បានចូលទៅខមមិនជូនពរ Jes Jesphipat ក្នុងឱកាសថ្ងៃកំណើត និងជូនពរឲ្យអ្នកទាំងពីរស្រឡាញ់គ្នាយូរអង្វែង៕
សូមទស្សនាវីដេអូខាងក្រោម៖