សម័យកូរ៉ូណា តារាថៃល្បីៗត្រូវប៉ាន់ក្នុងការផ្សព្វផ្សាយផលិតផលប្រភេទនេះតែម្ដង

ថៃ៖ ស្របពេលដែលវីរុសកូវីដ១៩ កំពុងវាយលុកខ្លាំងនៅទូទាំងពិភពលោក ប្រជាពលរដ្ឋស្ទើរគ្រប់រូបត្រូវបានគេតម្រូវឲ្យស្នាក់នៅផ្ទះ និងកុំចេញទៅក្រៅជាដាច់ខាតបើគ្មានការចាំបាច់។ ដូច្នេះហើយ តម្រូវការនៃកម្មង់ទំនិញតាមអនឡាញ កំពុងទទួលបានការពេញនិយមយ៉ាងខ្លាំង ពីសំណាក់សាធារណជនទូទៅ ជាពិសេសគឺផ្នែកចំណីអាហារតែម្ដង ដោយសារតែគ្មាននរណាម្នាក់អាចរស់នៅដោយមិនបានបរិភោគអ្វី ឬទ្រាំទទួលទានអាហារស្ដុកទុកដដែលៗនោះឡើយ។

និយាយពីតារាថៃល្បីៗទាំងនេះវិញ រួមមានដូចជា Taew Natapohn, Mark Prin, Kimberly, Boom Suphaporn, Por Natthawut, Bella Ranee, Vill Wannarot, Jame Ma និងតារាល្បីជាច្រើនរូបទៀត កំពុងតែត្រូវប៉ាន់ក្នុងការផ្សព្វផ្សាយឲ្យហាងលក់អាហារតាមអនឡាញ ដែលមានគ្រប់មុខគ្រប់ប្រភេទ តាំងពីអាហារឆ្អិនស្រាប់ សាច់ បន្លែ ផ្លែឈើជាដើម នៅលើគណនីអ៊ិនស្តាក្រាមរបស់ខ្លួន ដែលជាហេតុទាក់ទាញអារម្មណ៍អ្នកគាំទ្រឲ្យទ្រាំមិនកម្មង់ទិញតាមអាយដលរបស់ខ្លួនមិនបានពិតមែន៕