បាងកក៖ អ្នកនាំពាក្យក្រសួងសុខាភិបាលថៃបានឱ្យដឹងថា ប្រទេសថៃបានរកឃើញអ្នកឆ្លងវីរុសកូរ៉ូណាថ្មីចំនួន ១០៤ នាក់ និងអ្នកស្លាប់ ៣ នាក់បន្ថែមទៀត។ នេះបើយោងតាមទីភ្នាក់ងារព័ត៌មាន Reuters ចេញផ្សាយទី ០២ ខែ មេសា ឆ្នាំ២០២០។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
លោក Taweesin Wisanuyothin ដែលជាអ្នកនាំពាក្យបាននិយាយថា៖
អ្នកស្លាប់ទាំង ៣ នាក់នោះគឺសុទ្ធតែជាជនជាតិថៃទាំងអស់ រួមមានទី១ បុរសអាយុ ៧៧ ឆ្នាំ បានឆ្លងជំងឺដោយសារមានទាក់ទងជិតស្និតជាមួយអ្នកជំងឺកូវីត-១៩ ទី២ បុរសអ្នកបើកបរអាយុ ៥៥ ឆ្នាំនៅឯអាកាសយានដ្ឋានសុវណ្ណភូមិក្រុងបាងកក ចំណែកឯទី៣ បុរសអាយុ ៥៧ ឆ្នាំ ដែលធ្លាប់មានជំងឺទឹកនោមផ្អែមនិងជំងឺលើសឈាមពីមុនមក។
សូមបញ្ជាក់ផងដែរថា បើគិតមកដល់ថ្ងៃនេះ ប្រទេសថៃមានអ្នកឆ្លងវីរុសកូរ៉ូណាសរុប ១,៨៧៥ នាក់ ហើយក្នុងនោះមានអ្នកជំងឺ ១៥ នាក់បានស្លាប់បាត់បង់ជីវិត ខណៈអ្នកជំងឺ ៥០៥ នាក់ផ្សេងទៀត បានទទួលការព្យាបាលជាសះស្បើយ៕
Bong I.T