មកមែនដឹងតែកប់ហើយ! Real Madrid ចង់បានខ្សែប្រយុទ្ធវ័យក្មេងបារាំង ដែលអាចនឹងក្លាយជា Benzema ទីពីរ

អេស្ប៉ាញ៖ ក្លិបយក្សអេស្ប៉ាញ​ Real Madrid ចាប់អារម្មណ៍ក្នុងការនាំចូលខ្សែប្រយុទ្ធវ័យក្មេងរបស់ Lyon កីឡាករ Rayan Cherki នៅទីផ្សាររដូវក្ដៅខាងមុខ។

កីឡាករវ័យ១៦ឆ្នាំបានបង្ហើបអារម្មណ៍ក្នុងការមកលេងឲ្យ Real Madrid ដោយនិយាយនៅក្នុងបទសម្ភាសមួយកាលពីសប្ដាហ៍មុន ហើយបើតាមប្រភពពីក្នុងប្រទេសអេស្ប៉ាញ ក្ដីសុបិនរបស់គេក៏ខិតជិតក្នុងការសម្រេចផងដែរ។

Cherki ដែលគេប្រដូចទៅនឹង Karim Benzema បានបង្ហាញទម្រង់លេងគួរឲ្យកត់សម្គាល់ក្នុងក្របខណ្ឌ Ligue 1 និងបានទាក់ចិត្តរបស់អ្នកចាត់ការទូទៅ Real Madrid ឲ្យចង់បានរូបគេទៅរួមក្រុម។

បើតាមកាសែតអេស្ប៉ាញ El Confidencial បានឲ្យដឹងថាយុវជន Cherki ចង់ផ្លាស់មក Real Madrid ឲ្យបានលឿនតាមដែលអាចធ្វើទៅបាន នៅពេលទីផ្សារដោះដូរចាប់ផ្ដើម។

មានវ័យត្រឹម១៦ឆ្នាំ Cherki បង្ហាញខ្លួនឲ្យក្រុមធំ Lyon បានដល់ទៅ១២ប្រកួតនៅរដូវកាលនេះ និងអាចរកបាន៣គ្រាប់ថែមទៀត។ មិនត្រឹមតែប៉ុណ្ណោះ ក្រៅពីតំបន់ប្រយុទ្ធខាងលើ គេក៏អាចលេងនៅតំបន់បម្រើប្រយុទ្ធផងដែរ៕

ប្រភព៖ DailyMail