អាល្លឺម៉ង់៖ ក្រុមជម្រើសជាតិអាល្លឺម៉ង់បានសម្លឹងឃើញអ្នកចាត់ការទូទៅរបស់ Liverpool លោក Jurgen Klopp ដើម្បីយកទៅបន្តលោក Joachim Low ក្នុងតំណែងជាគ្រូបង្គោលរបស់ក្រុមជម្រើសជាតិរហស្សនាមឥន្រ្ទីដែក។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្រោយចូលមកដឹកនាំនៅកីឡដ្ឋាន Anfield កាលពីឆ្នាំ២០១៥ លោក Jurgen Klopp ជួយ Liverpool ឈ្នះបាន១៥៥ប្រកួត ពីការប្រកួតសរុបចំនួន២៥៦ ខណៈកិច្ចសន្យារវាងបុរសវ័យ៥៧ឆ្នាំនិងក្លិបជើងឯក Champions League រដូវកាលមុនមានសុពលភាពកំណត់រហូតដល់ឆ្នាំ២០២៤។
យ៉ាងណាមិញ បើតាម The Mirror លោក Klopp ធ្លាប់បាននិយាយថា Liverpool គឺជាក្លិបចុងក្រោយដែលលោកដឹកនាំ ដោយអតីតអ្នកចាត់ការទូទៅ Dortmund រូបនេះចាប់អារម្មណ៍ក្នុងការដឹកនាំក្រុមជម្រើសជាតិវិញម្ដង។
ប្រភពដដែលបានបន្តឲ្យដឹងទៀតថា Klopp មិនមានចេតនាក្នុងការចាកចេញពី Liverpool នោះទេ ខណៈថ្នាក់ដឹកនាំរបស់ក្លិបចង់រក្សាទុកបុរសញ្ជាតិអាល្លឺម៉ង់រូបនេះឲ្យបន្តនៅដឹកនាំក្នុងរយៈពេលយូរដូចលោក Sir Alex Ferguson ដឹកនាំ Manchester United។
គួរឲ្យដឹងដែរថា លោក Joachim Low កាន់តំណែងគ្រូបង្វឹករបស់ជម្រើសជាតិអាល្លឺម៉ង់តាំងពីឆ្នាំ២០០៦ ដោយដឹកនាំបាន១៨១ប្រកួត ហើយសមិទ្ធិផលធំបំផុតនោះគឺជួយអាល្លឺម៉ង់ឈ្នះពានរង្វាន់ FIFA World Cup 2014 នៅប្រទេសប្រេស៊ីល៕
ប្រភព៖ SportsMole