ម៉ាដ្រីឌ៖ បច្ចុប្បន្ន អេស្ប៉ាញគឺជាប្រទេសមួយ ក្នុងចំណោមប្រទេសជាច្រើនទៀតនៅតំបន់អឺរ៉ុប ដែលរងគ្រោះខ្លាំងដោយសារវីរុសប្រភេទថ្មីកូវីដ-១៩ ពោល គឺប្រទេសនេះ កំពុងឈរនៅលំដាប់ទីពីរបន្ទាប់ពីប្រទេសអុីតាលី និងលំដាប់ទីបី បើធៀបនឹងប្រទេសទាំងអស់ជុំវិញពិភពលោក។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតួយ៉ាង បើយោងទៅតាមតារាងទិន្នន័យ Tracking Coronavirus របស់ BNO News គិតត្រឹមវេលាព្រឹកថ្ងៃទី ២ ខែ មេសា ឆ្នាំ ២០២០ នេះ ប្រទេសអេស្ប៉ាញមានករណីឆ្លងសរុបចំនួន ១០៤,១១៨ នាក់ ហើយក្នុងនោះដែរ មានមនុស្សចំនួន ៩,៣៨៧ នាក់បានស្លាប់បាត់បង់ជីវិត។ ក្រៅពីចំនួនមនុស្សស្លាប់ និងករណីឆ្លង ប្រទេសនេះក៏បានព្យាបាលអ្នកជំងឺចំនួន ២២,៦៤៧ នាក់ឲ្យជាសះស្បើយផងដែរ ខណៈអ្នកជំងឺដែលមានអាការធ្ងន់ធ្ងរចំនួន ៥,៨៧២ នាក់កំពុងសម្រាកព្យាបាលក្នុងមន្ទីរពេទ្យនៅឡើយ។
សូមជម្រាបថា ករណីសរុបនៃអ្នកឆ្លងវីរុសកូវីដ-១៩ នៅទូទាំងពិភពលោកបានកើនលើស ៩០ ម៉ឺននាក់ហើយ ខណៈអ្នកស្លាប់កើនលើស ៤៧០០០ នាក់ ដោយក្នុងនោះ អ្នកជំងឺដែលជាសះស្បើយមានជាង ១៩ ម៉ឺននាក់។ ហើយបច្ចុប្បន្ននេះ សហរដ្ឋអាមេរិកគឺជាប្រទេសដែលរងគ្រោះខ្លាំងជាងគេបំផុត ដោយមានអ្នកឆ្លងវីរុសសរុបជាង ២១ ម៉ឺននាក់៕