វ៉ាស៊ីនតោន៖ យោងតាមទិន្នន័យចងក្រងដោយមជ្ឈមណ្ឌលវិទ្យាសាស្ត្រ និងវិស្វកម្មប្រព័ន្ធនៅសាកលវិទ្យាល័យ ចន ហប គីនស៍ (Johns Hopkins University) បានឲ្យដឹងថា ចំនួនអ្នកឆ្លងវីរុសកូវីត-១៩ នៅសហរដ្ឋអាមេរិកក្នុងថ្ងៃព្រហស្បតិ៍ ទី ២ ខែ មេសា បានកើនឡើងលើសពី ២០ ម៉ីននាក់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ប្រភពដដែលបានឱ្យដឹងទៀតថា ជំងឺដ៏កាចសាហាវនេះបានឆក់យកជីវិតមនុស្សចំនួន ៥,១០៩ នៅសហរដ្ឋអាមេរិក ហើយធ្វើឱ្យប្រទេសមួយនេះ ឡើងឈរលើកំពូលតារាង ដែលមានចំនួនអ្នកឆ្លងជំងឺរហូតដល់ទៅ ២១៥,០៧១ នាក់ ច្រើនជាងគេនៅលើពិភពលោក។
អភិបាលក្រុងញូវយ៉កលោក អេនឌ្រូ គួម៉ូ (Andrew Cuomo) បាននិយាយថា៖
ទីក្រុងញូវយ៉កគឺរងគ្រោះខ្លាំងជាងគេ ដោយមានអ្នកឆ្លងជំងឺរហូតដល់ ៨៣,០០០ នាក់ និងអ្នកស្លាប់យ៉ាងហោចណាស់ ១,៩៤១ នាក់ ចំណែកឯរដ្ឋញូវជឺស៊ីមានអ្នកឆ្លងចំនួន ១៨,០០០ នាក់ និងអ្នកស្លាប់ ២៦៧ នាក់។
យោងតាមតួលេខចេញដោយសេតវិមានបានបង្ហាញថា ចំនួនអ្នកស្លាប់ដោយសារវីរុសកូវីត-១៩ នៅសហរដ្ឋអាមេរិកអាចនឹងបន្តកើនឡើងរហូតដល់ទៅ ២៤០,០០០ នាក់ បើទោះបីមានការចាត់វិធានការយ៉ាងណាក៏ដោយ៕
Bong I.T