មានពាក្យចចាមអារ៉ាមជាច្រើនបានលើកឡើងថា តារាស៊ុត Cristiano Ronaldo នឹងចាកចេញពីក្លឹបដែលមានទីតាំងក្នុងទីក្រុង Turin ប្រទេសអ៊ីតាលីមួយនេះ ដោយសារតែក្លឹប Juventus កំពុង តែជួបវិបត្តិហិរញ្ញវត្ថុ បូករួមទាំងការគំរាមកំហែងជាខ្លាំងពីវីរុស Covid-19។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបើយោងតាមប្រភពពី Marca បានឲ្យដឹងថា បើសិនជា Ronaldo និង Juventus សម្រេចចិត្តអស់ល្អនឹងគ្នាហើយនោះ Ronaldo គឺអាចមានជម្រើស២ គឺត្រលប់ទៅលេងនៅក្លឹបចាស់របស់ខ្លួនវិញ និងមួយទៀតគឺផ្ទេរទៅកាន់ក្លឹបអ្នកមាន PSG នៅបារាំង។
Cristiano Ronaldo នៅតែស្ថិតក្នុងដួងចិត្តរបស់អ្នកគាំទ្រ Manchester United ដោយកន្លងមក កីឡាកររូបនេះធ្លាប់បានទទួលការស្វាគមន៍ជាខ្លាំងពីសំណាក់អ្នកគាំទ្រ នៅពេលដែល Juventus ប៉ះជាមួយ Man Utd ក្នុងទឹកដី Old Trafford កាលពីប្រកួត Champion League កន្លងទៅ។
មួយវិញទៀត Neymar និង Mbappe ដែលជាតារាគីឡូធ្ងន់នៅ PSG កំពុងតែមានការផ្សាភ្ជាប់់ខ្លាំងក្នុងការចាកចេញពីរដ្ឋធានីបារាំងនៅរដូវក្តៅខាងមុខនេះ បើសិនជាក្នុងចំណោមពួកគេទាំង២មានម្នាក់ ចាកចេញនោះ ក្លឹបអ្នកមានមួយនេះ នឹងប្រជែងយក Ronaldo ឲ្យបាន ដើម្បីមកប៉ះប៉ូវតំបន់ប្រយុទ្ធ៕
ប្រភព៖ 90min