កូនស្រីចង់មើលខ្លានៅសួនសត្វ តែសួនសត្វបិទ Beau Savitree ប្រើវិធីមួយនេះដើម្បីលួងកូន (មានវីដេអូ)

ថៃ៖ តារាសម្ដែង និងចម្រៀងថៃ Beau Savitree បានបង្ហោះវីដេអូមួយនៅលើគណនី Instagram ផ្ទាល់ខ្លួន និយាយអំពីកូនស្រីដ៏គួរឲ្យស្រឡាញ់ វ័យ១ខួប៨ខែរបស់នាង ដែលទទូចចង់ទៅមើលសត្វខ្លានៅសួនសត្វ តែគួរឲ្យសោកស្ដាយ សួនសត្វត្រូវបានបិទដោយសារបញ្ហាវីរុសកូវីដ-១៩។ ដូច្នេះដើម្បីជាការលួងកូនស្រី អ្នកម្ដាយដ៏ស្រស់ស្អាតរូបនេះ បាននាំកូនជិះឡានទៅកន្លែងសក្ការៈបូជាមួយកន្លែង ដែលសម្បូរទៅដោយរូបសំណាកខ្លាថ្មជាច្រើន។

បើមើលទៅតាមទឹកមុខ ទំនងជាកូនស្រីរបស់ Beau ងឿងឆ្ងល់ខ្លាំង តែនេះក៏អាចចាត់ទុកថាជាវិធីដោះទ័លបណ្ដោះអាសន្នដ៏ល្អមួយ ប្រសើរជាជាងការទុកកូនឲ្យយំនោះដែរ។ មិត្តជិតស្និទ្ធ និងអ្នកលេងអ៊ិនធឺណែតជាច្រើនបានចូលខមមិនសរសើរពីភាពឆ្លាតវៃរបស់អ្នកម្ដាយរូបនេះជាខ្លាំង តែក៏អស់សំណើចមិនស្ទើរនោះដែរ៕

សូមទស្សនារូបភាព និងវីដេអូខាងក្រោម៖