កូរ៉េខាងត្បូង ៖ អ្នកគាំទ្រជាច្រើន បានបង្ហាញអារម្មណ៍ភ្ញាក់ផ្អើលជាខ្លាំង បន្ទាប់ពីរូបជាច្រើនសន្លឹក របស់ក្មេងដែលសម្ដែងជាតួកូនស្រី Kim Tae Hee នៅក្នុងរឿងភាគថ្មី ត្រូវបានគេបង្ហោះ នៅលើបណ្ដាញអ៊ីនធើណែត។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតាមពិតជាក្មេងដ៏គួរឲ្យស្រលាញ់ម្នាក់នោះ គឺជាក្មេងប្រុសទេ គេមានឈ្មោះពិតថា Seo Woo Jin។
អ្នកគាំទ្រជាច្រើន មានការងឿងឆ្លល់ថា តើហេតុអ្វីបានបានជាផលិតករ ដែលផលិតរឿងនេះ សម្រេចជ្រើសរើសយកក្មេងប្រុស ឲ្យមកសម្តែងជាតួក្មេងស្រីទៅវិញ ក្នុងពេលដែលក្នុងវិស័យភាពយន្តរបស់កូរ៉េ ក៏សម្បូរទៅដោយ ក្មេងស្រីស្អាតៗ និងមានសមត្ថភាពជាច្រើននោះ?
ដើម្បីស្រាយចម្ងល់ របស់ទស្សនិកជនគ្រប់ៗគ្នា ផលិតករក្នុងរឿងនេះ ក៏បានចេញមុខពន្យល់ថា មូលហេតុដែលក្រុមការងារ សម្រេចចិត្តជ្រើសរើស Seo Woo Jin មកធ្វើជាតួកូនស្រីរបស់ Kim Tae Hee ក្នុងរឿងភាគថ្មីនេះ ក៏ព្រោះតែ Seo Woo Jin មានមុខមាត់ និងលក្ខណៈសម្បត្តិជាច្រើន ស្រដៀងគ្នាទៅនឹងតារាស្រី Kim Tae Hee ហេតុដូចនេះហើយ បានជាក្រុមការងារសម្រេចធ្វើបែបនេះ។
ទោះបីជាយ៉ាងនេះក្ដី មហាជនក៏នៅតែបង្ហាញមតិ មិនយល់ស្របចំពោះហេតុផលមួយនេះ ដោយលើកឡើងថា ការដែលធ្វើបែបនេះ គឺអាចនឹងធ្វើឲ្យមានផលប៉ះពាល់ ដល់អារម្មណ៍របស់ Seo Woo Jin នៅពេលដែលរូបគេធំឡើងបាន៕
ទស្សនារូបភាពខាងក្រោម ៖
Bong I.T