បាងកក៖ អ្នកនាំពាក្យក្រសួងសុខាភិបាលថៃបានឱ្យដឹងថា ប្រទេសថៃបានរកឃើញអ្នកឆ្លងវីរុសកូរ៉ូណាថ្មីចំនួន ១២០ នាក់ និងអ្នកស្លាប់ ២ នាក់បន្ថែមទៀត។ នេះបើយោងតាមទីភ្នាក់ងារព័ត៌មាន Reuters ចេញផ្សាយនៅថ្ងៃពុធ ទី ០១ ខែ មេសា ឆ្នាំ២០២០។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
លោក Taweesin Wisanuyothin ដែលជាអ្នកនាំពាក្យបាននិយាយថា៖
ករណីអ្នកស្លាប់ទាំងពីររួមមាន បុរសជនជាតិថៃអាយុ ៧៩ ឆ្នាំម្នាក់ ដែលបានឆ្លងជំងឺនេះនៅពេលគាត់ទៅចូលរួមពិធីមង្គលការមួយនៅប្រទេសម៉ាឡេស៊ីកាលពីដើមខែមីនា និងអ្នកជំនួញអាយុ ៥៨ ឆ្នាំម្នាក់ ដែលបានវិលត្រឡប់មកពីប្រទេសអង់គ្លេសកាលពីខែមុន។
សូមបញ្ជាក់ផងដែរថា គិតព្រឹកថ្ងៃពុធនេះ ប្រទេសថៃមានអ្នកឆ្លងវីរុសកូវីត-១៩ សរុប ១,៧៧១ នាក់ ហើយក្នុងនោះមានអ្នកជំងឺ ១២ នាក់បានស្លាប់បាត់បង់ជីវិត ខណៈអ្នកជំងឺ ៣៤២ នាក់ផ្សេងទៀត បានទទួលការព្យាបាលជាសះស្បើយ៕
Bong I.T