ថៃ៖ Taew Natapohn គឺជាតារាសម្ដែងស្រីដ៏ល្បី និងពោរពេញទៅដោយសមត្ថភាពប្រចាំស្ថានីយ៍ទូរទស្សន៍ថៃប៉ុស្តិ៍លេខ៣ ដែលទស្សនិកជនភាគច្រើនប្រាកដជាស្គាល់ច្បាស់ តាមរយៈការសម្ដែងជាតួអង្គកម្សត់ៗនៅក្នុងខ្សែភាពយន្តភាគល្បីៗជាច្រើន ដូចជារឿងព្រះម៉ែនាគី ល្បែងស្នេហា ជាដើម។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សទស្សនិកជនមួយចំនួនដែលនិយមគាំទ្រការសម្ដែងរបស់ Taew តែងគិតថានាងប្រហែលជាមិនអាចសម្ដែងតួអ្វីផ្សេងបានល្អជាតួអង្គកម្សត់ឡើយ។ ប៉ុន្តែការយល់ឃើញនេះ គឺខុសទាំងស្រុង ព្រោះឥឡូវនេះ Taew បានលេចមុខក្នុងការសម្ដែងឈុតជាអ្នកប្រយុទ្ធថែមទៀត នៅក្នុងរឿង Leh Buphakal ដែលកំពុងចាក់បញ្ចាំងនៅលើកញ្ចក់ទូរទស្សន៍ប៉ុស្តិ៍លេខ៣។
សម្រាប់ភាគទី៩ ដែលបានចាក់បញ្ចាំងនៅយប់ថ្ងៃអង្គារនេះ សាច់រឿងបានត្រឡប់ទៅនិយាយពីរឿងរ៉ាវកាលពី១០០០ឆ្នាំមុន ដែលកាលនោះ Taew ត្រូវសម្ដែងជាតួអង្គបុត្រីក្សត្រនគរអារុណា ជានារី ក្លាហាន ចិត្តដាច់ និងមានសមត្ថភាពក្បាច់គុនខ្លាំងពូកែ ចេះប្រើទាំងដាវ និងព្រួញ។ ការសម្ដែងក្នុង ឈុតប្រយុទ្ធក្បាច់គុនបែបនេះ គឺជាលើកទី១ប៉ុណ្ណោះសម្រាប់ Taew ប៉ុន្តែនាងធ្វើបានយ៉ាងល្អ និងធ្វើឲ្យទស្សនិកជនភ្ញាក់ផ្អើលមិនស្ទើរនោះទេ៕
បើចង់ជ្រាបច្បាស់ សូមទស្សនាវីដេអូខាងក្រោម៖