នៅចាំគាត់ទេ? អតីតតារាចម្រៀង មួន ម៉ារ៉ា មកលើកនេះ ច្រៀងផ្ទាល់ម្តង សម្លេងនៅតែពីរោះខ្លាំង

ភ្នំពេញ៖ ជឿជាក់ថា ប្រិយមិត្តអ្នកអាន ជាពិសេសហ្វេនរបស់អតីតតារាចម្រៀង លោក មួន ម៉ារ៉ា ផ្ទាល់ច្បាស់ជានៅចាំលោក ដោយរូបលោកជាតារាចម្រៀង មានប្រជាប្រិយភាពមួយរូបកាលជាង ១០មុន  ហើយតារាប្រុសរូបនេះ ជាម្ចាស់បទចម្រៀងដ៏ល្បី មានចំណងជើងថា «កាដូឥតន័យ»។

យ៉ាងណាមិញ បើទោះបីរូបលោកបានចេញឆ្ងាយពីសង្គមសិល្បៈមួយរយៈធំ ក៏ដោយក៏នៅតែមានហ្វេនៗនៅតែចងចាំលោកតាមរយៈ បទចម្រៀងពីមុនៗរបស់លោក។ ក្នុងនោះដែរ តារារូបនេះក៏តែងតែ បង្ហាញពីសកម្មភាពខ្លះៗ ដោយការបង្ហោះវីដេអូច្រៀង​ និងលេងជាមួយហ្គីតា ជាមួយនឹងទឹកដមសម្លេងរបស់លោក នៅតែពីរោះមិនចាញ់ពេលមុនឡើយ។

ជាក់ស្ដែង កាលពីម្សិលមិញនេះ តារាចម្រៀងប្រុសរូបនេះ បានបំពេញចិត្តរបស់ហ្វេន សំណូមពរឲ្យរូបលោកច្រៀងនៅបទ «បងជាបន្លាក្នុងទ្រូងអូន» ដោយបានស្ដាប់ហើយ ពិតជាពីរោះខ្លាំង មិនត្រឹមតែប៉ុណ្ណោះនៅក្នុងវីដេអូមួយនេះ រូបលោកបានច្រៀង និង​លេងហ្គីតាដោយខ្លួនឯង ស្របពេលឃើញវីដេអូមួយនេះ រួចមានទស្សនិកជនជាច្រើនបានសរសើរពីសម្លេងរបស់លោក៕

សូមទស្សនារូបភាព និង វីដេអូខាងក្រោម៖