អង់គ្លេស៖ ខ្សែប្រយុទ្ធជួរមុខរបស់ក្លឹបមាន់ខ្នាយមាស Tottenham Hotspurs កីឡាករ Harry Kane បានកំណត់គោលដៅដែលអាចត្រូវចាកចេញពីទឹកដីក្លឹបដែលស្ថិតនៅភាគខាងជើងទីក្រុងឡុងដ៍មួយនេះ ក្នុងអំឡុងពេលថ្មីៗនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមរបាយការណ៍របស់សារព័ត៌មាន Daily Mail ក្លឹប Tottenham Hotspurs ដែលមានលោក José Mourinho កំពុងដឹកនាំនៅទីនោះ ជឿជាក់ថា ពួកគេអាចរក្សាទុកតារាឆ្នើមរបស់ខ្លួនបន្តនៅរដូវកាលក្រោយ ខណៈដែលកុងត្រារបស់ Kane នៅសល់រយៈពេល ៤ឆ្នាំទៀត។
ខ្សែប្រយុទ្ធជម្រើសជាតិអង់គ្លេសរូបនេះ បានសារភាពកាលពីចុងសប្តាហ៍មុនថា គាត់អាចចាកចេញពីក្លឹបនៅរដូវក្តៅនេះ ដែលវាអាស្រ័យទៅលើអ្វីដែលកើតឡើងក្នុងនាមជាក្រុម និងរបៀបដែលក្រុមទាំងមូលរីកចម្រើន ដើម្បីមានលទ្ធភាពលើកពានបាន។
ដើម្បីបង្ការពីការតាមទិញប្រធានក្រុមរងរបស់ក្លឹបរូបនេះ ក្លឹប Spurs បានកំណត់តម្លៃខ្លួន Kane ចំនួន ២០០លានផោន (ប្រមាណ ២៤៨លានដុល្លារ) ខណៈដែលក្លឹប Manchester United ក្លឹប PSG និងក្លឹប Real Madrid ហាក់ចង់បានរូបគេយ៉ាងខ្លាំង ប៉ុន្តែសាមីក្លឹបមានអារម្មណ៍ថាក្រុមនានានឹងមិនមានឆន្ទៈចំណាយប្រាក់ច្រើននៅរដូវក្តៅនេះទេ ដោយសារភាពមិនប្រាកដប្រជាជុំវិញការរីករាលដាលនៃជំងឺឆ្លងកូវីដ១៩ ជាសកល៕
ប្រភព៖ Goal